Hiru gazte atxilotu ditu Ertzaintzak astearte arratsaldean Gasteizen, EHUn joan den azaroaren 30ean ikasle batek jasan zuen erasoarekin lotuta daudelakoan. Horietako bat aske utzi dute eta agintaritza judizialaren aurrean agertu beharko du, deitzen dutenean.
Erasoa jasan zuen ikaslea Agrupación de Estudiantes en Defensa de España elkarteko kidea da, duela gutxi sorturiko kolektibo bat.
Hala Bedi irratiak Gasteizko atxiloketen testuinguruaren berri eman du asteartean argitaratutako albiste batean: irrati librearen arabera, operazio polizialaren aurretik hedabideetan albiste ugari argitaratu da EHUren campusean gertatutako erasoaz, filtrazio polizialak ere izan dira, baita erasoaren kontrako elkarretaratzeak ere –batzuk PP alderdiak bultzatuak eta beste batzuk instituzioek, tartean EHUk berak–.
Atxiloketak egiteko froga nagusia honakoa da: unibertsitateko kamerek atxilotutako gazteak filmatu zituztela erasoa gertatu baino ordubete lehenago campusean.
Ertzaintzaren zaintzapean jarraitzen duten bi atxilotuek epailearen aurretik pasa beharko dute.
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
Euskal Herriko Unibertsitateko Bitartez ikerketa taldeak eta Pikara Magazine agerkariko kideek sortu dute.
Asteazkena da lehen greba eguna: irakasle eta ikertzaileak daude deituta. Martxoaren 12rako ere berriz egin dute deia: EHUko langile guztientzat da hura. Irakasle eta ikertzaileen “prekarizazioaren” kontra egin nahi dute protesta.
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.