Ertzaintzaren foam jaurtigai batek pertsona bati matrailezurra apurtu zion Gasteizen
Orain arte ezagutzen denagatik, Ertzaintzak Martxoaren 3ko igandeko manifestazioan jaurtitako foam jaurtigai batek zauritu zuen pertsona hori, matrailezurra bi lekutan apurtu zioten, ospitalean dago eta ebakuntza egin beharko diote. Hori da asteazken honetan Gasteizen egindako agerraldi masiboan jakinarazi dutena.
aurre egingo dieten hedabide independenteak
Agerraldia jendetsua izan da eta Martxoak 3 elkarteak eta igandeko manifestazioa antolatu zuten ELA, LAB, ESK eta Steilas sindikatuek deitu dute. Han eman dute zauritutako pertsona horren berri. Igandean Hala Bedi Irratiak jakinarazi zuenez, zauritu hori adineko emakume bat litzateke.
Manifestarien artean oldarka sartu zen Ertzaintzaren furgonetak zapaldutako pertsona ere aipatu dute, baina ezin izan dute segurtatu, esan den bezala, harrapaketa horren ondorioz peronea apurtuta duen. Bi zauritu horien berri eman dute, baina askoz gehiago ere izan zirela segurtatu dute.
Balorazioan elkarteak eta sindikatuek diotenez, “ez da onargarria Martxoaren 3ko memoriak urtero Poliziak zauritutako pertsonak gehitzen jarraitzea”. Ertzaintzaren karga horiek, gainera, “etengabe birbiktimizatzen dituzte Poliziaren erasoak jasan dituztenak”. Elkartasuna adierazi diete, halaber, zauritutako guztiei eta atxilotutako bost pertsonei, “horiek erabili baitituzte Ertzaintzaren jokabidea justifikatzeko”.
Martxoaren 3ko memoria bizirik mantentzeko lanean kolektibo ugariren lankidetza dagoela zehaztu dute, eta urtez urte horien borrokak txertatzen dituztela “bizi garen sistema kapitalista, arrazista eta heteropatriarkal bidegabe honen aurka”. Mezu argia luzatu nahi izan dute aurrera begira: “Jarraituko dugu gogoratzen Martxoaren 3a, baita kaleetan aldarrikapen sozial eta laboralak modu masiboan erreklamatzen ere”. Halaber, manifestazioan antolakuntzan aritu ziren herritarrei ere sostengua helarazi diete, haien parte-hartzerik gabe egoera larriagoa izan zitekeelako.
Azken asteotan Ertzaintzak jaurtitako foam piloten ondorioz, hiru pertsonak zauri larriak izan dituzte: batetik, Tolosan 16 urteko Xuhar gazteak begian zauri larria izan du; bestetik, albiste honetan aipatutako igandeko Gasteizko manifestaziokoa; eta hirugarrena Donostian, astearteko PSG eta Realaren partidu aurreko istiluetan Ertzaintzak buruan zauritutako emakumea, ZIU unitate batean artatu behar izan dutena.
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]