Gasteiz Antzokiak ateak ireki ahalko ditu azkenean, udalarekin akordioa lortuta
Gasteiz Antzokia kudeatzen duen Lazarraga kultur elkarteak eta Gasteizko Udalak hurrengo egunetan sinatuko duten hitzarmenari esker, antzokiak ateak zabaldu ahal izango ditu laster. Kultur elkarteari udalak egotzitako zor ekonomikoa bost urtetan ordaintzea adostu dute, besteak beste.
aurre egingo dieten hedabide independenteak
Itxita dagoen Gasteiz Antzokiari jarduera faltagatik egotzitako 112.817 euroko zorra bost urteko epean ordainduko du Lazarraga kultur elkarteak, hilean 2.000 bat euro. Horrez gain, hainbat egokitzapen egingo dituzte hitzarmenean, plan operatiboa “urteko jardunera egokitzeko”.
Udalarekin adosturikoa aho batez onartu dute Lazarragako bazkideek, batzar orokorrean, eta beraz, datozen egunetan sinatuko dute hitzarmena. “Lor zitekeen akordiorik onena” dela uste dute bazkideek.
Egitaraua, pixkanaka
Hala, martxan jarriko da Gasteiz Antzokia eta egitaraua pixkanaka osatzen joango dira, xume hasieran, eta osatuago irailetik aurrera. Ostalaritza zerbitzuko lehiaketa ere aurkeztuko dute, webgunea aktibatuko dute, sormen deialdiak abiatuko dituzte… Itxaropentsu agertu da Lukas Etxeberria Lazarraga kultur elkarteko lehendakaria. Gasteizko Udaleko alkate Maider Etxeberria ere kontent da: “Gasteizen bultzada handia emango diogu euskarazko kulturaren garapenari”.
Bide malkartsua
ARGIAn kontatu genuen, Gasteiz antzokia: arnasgunea arnasestuka erreportajean, bide nekeza, gazi-gozoa eta gorabeheratsua izan du antzokiak. Politikariek agindu zioten Lazarraga elkarteari 2022an irekiko zituela ateak antzokiak. Ondoren, bidea traba administratiboz josi zen. “Teknikarien esku” utzi zituzten ardurak, eta han agertu ziren lizitazioak, lizentziak, era guztietako araudiak… Epeak luzatzen hasi ziren, eta ezin ireki 2022ko urrian, ezin Gabonetan, ezin 2023ko udaberrian, ezta irailean ere… Eta, bat-batean, udalaren gutuna heldu zitzaion Lazarraga elkarteari 2024ko Aste Santu aurretik: “113.000 euro zor duzue”.
Oztopoak oztopo, badirudi argia ikusiko duela proiektuak azkenean. “Gasteiz eta Araba asko aldatu dira, kanpoko analista batzuk orain ohartu badira ere, eta Gasteiz berri honi egokitzeko Gasteiz antzokia ezinbestekoa da, ez bakarrik euskaldunentzako arnasgune izateko, euskaldunak ez direnak erakartzeko ere bai”, dio Aiala Zaldibar Gasteizko Antzokiaren Aldeko Plataformako kideak, aipatu erreportajean.
Iruñeko haur eskoletako aurtengo aurrematrikulazioetan euskarazko eskaintza handiagoa izan da eta eskariak gora egin du. Iaz eskari osoaren %19,18 izan bazen euskarazkoa, aurten %25,16 izan da. Adibide argigarria da Mendebaldea auzoan gertatutakoa: iaz ez zuten euskarazko... [+]
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Madril, 1925eko urriaren 13a. José Antonio Primo de Rivera diktadoreak “propaganda antipatriotiko eta antisozialari” buruzko errege dekretua sinatu zuen. 2. ordenan, dekretuak zera zioen: “Lehen hezkuntzako ikuskariek (...) eskoletako testuliburuak... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Bilbao Arena –Miribillako estadioa– leporaino bete nahi du Euskalgintzaren Kontseiluak abenduaren 27an. Iazko Euskararen Nazioarteko Egunean (abenduaren 3an) euskararen larrialdi egoeratik indarraldirako bideari ekiteko beharra aldarrikatu bazuen, indarraldia... [+]
Loraldiak eta EHU Kultura Bizkaiak elkarlanean aurkezten dute Sormenola 2025-26 programaren edizio berria. Loraldia Gaztea ardatz estrategikoaren barruan kokatzen den ekimen hau euskal sorkuntzaren harrobi gisa finkatu da, eta aurten apustua areagotzen du: interesa izan... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ertzetatik aztertu dute hizkuntza UEUk antolatutako Euskararen periferiak jardunaldietan. Euskarak dituen testuinguru oztopatzaileez mintzatu dira Beñat Garaio HABEko ikerlaria, Iker Villa abeslaria eta aktorea, Diego Pallés EHUko ikerlaria eta Maialen Gago Guka... [+]
"Euskaraz bizi nahi dugu" mezua tindatu zuten larunbatean, eta 48 oren inguru eman dituzte atxiloaldian ekintzaileek. Gorka Torre kontrol judizialpean askatu du prokuradoreak, epaiketaren zain; bertze hirurak komisariara deituak izanen dira.
'Hiri Buruzagia loratzen. Loratu ala hil' lelopean sortu da Irauli proiektu berria, euskarazko kalitatezko jarduerak eta zerbitzuak eskaini nahi dituena; hizkuntzaren indarberritzean oinarrituta.
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Buruilaren 27an ebiakoitz huntan Euskal Herrian Euskaraz-ek Baionan salatu du Euskara bigarren mailako hizkuntza bezala kontsideratua dela. "Euskaraz bizi nahi dugu" mezua margotu dute departamenduaren egoitzaren gainean.
'Itun Soziopolitiko berrirako eskaintza' dokumentua aurkeztu du Euskalgintzaren Kontseiluak, Batuz Aldatu dinamikaren barruan hainbat eragilerekin egindako agerpenean. Eragileek atxekimendua egiteko dokumentu sinagarri bezala aurkeztu dute, eta luze eta zabal azaltzen... [+]
Euskara biziberrituko bada, hizkuntza politiketan jauzi bat ematea ezinbestekotzat du Euskalgintzaren Kontseiluak. Jauzi hori emateko proposamen bat aurkeztu du, eta itun soziopolitiko berri baterako deia egin du, irailaren 26an, Batuz Aldatuko Sinatzaileen II. Batzarrean... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]