Aurrekaririk ez duen neurria hartu du Europa erdialdeko herrialde honek. Hemendik aurrera Luxenburgon barrena garraio publikoz mugitzearen truke ez da ezer ordaindu beharko.
Herritarren diruarekin ordaindutako autobusa, trena edota tranbia erabiltzearen truke herritarrek ez dute berriz ordaindu beharko. Garraio publikoak doakoak izango dira. Hedabide askok azpimarratu dute munduan parekorik ez duen neurria izan dela. Doakotasunak bi salbuespen ditu: trenean lehen klaseko billeteak eta zenbait udalerritan gauean eskaintzen diren autobus zerbitzu bereziak. Garraio publikoaren erabiltzaileek urtero 41 milioi euro ordaintzen zituzten. Orain arte tarifa laua zuten garraio publiko guztietan: lau euro egunean
Horrekin batera gobernuak trenbide sarea hobetzeko eta garraio publikoa erabiltzeko neurriak garatu nahi ditu, hala nola hiri sarreretan autoak uzteko parkinak eraikitzea. Luxenburgon lantokira joan-etorria egiteko hamarretik seik auto pribatua erabiltzen du. Gobernuak kopuru hori erdira murriztu nahi du, garraio publikoa sustatuz eta bizikleta eta autoa partekatzearen aldeko neurriekin.
François Bausch garraio ministroa eta Berdeak alderdiko burua da. Neurriaren aurkezpen publikoan adierazi du gastua zergen bidez estaliko dela, "asko kobratzen dutenek zerga gehiago ordaintzen dituztelako eta gehiago lagunduko dutelako". Neurri hau ez dela zerbait isolatua izango azpimarratu du, “epe luzeagorako plan baten parte izango da, 600 kilometroko bidegorri-sare bati esker emisioak murriztu nahi ditugu, parkeetan inbertituko dugu eta 2030erako autobus guztiak elektrikoak izatea da helburua”.
Munduan per capita errentarik handiena duten herrialdeetako bat da Luxenburgo. 2018ko urrian osatu zen egungo koalizio gobernua: Alderdi Demokrata (neoliberala) buru, sozialistekin eta berdeekin elkarlanean. Xavier Bettel da presidentea 2013tik.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.