Garoña, ezin amaituzko historia
Nuclenorrek, Garoñako zentral nuklearra kudeatzen duen enpresak, zentralaren itxiera atzeratzeko eskatu zion joan den ostiralean Espainiako gobernuko Industria Ministerioari.
Segurtasun Nuklearrerako Kontseiluak gaur aztertuko du eskaera, urtebete gehiagoko jarduera egiteko baimena eman edo ez erabakitzeko. Industria Ministerioak informea ekainaren 1a baino lehenago bidaltzeko eskatu dio Kontseiluari.
2012ko ekainean Ministerioak eman zuen aginduak dioenez, berez uztailaren 6an itxi beharko litzateke.
PPren gobernuak zentrala 2019ra arte ustiatzeko baimena eman arren, Nuclenorrek 2012ko irailean ustiapenerako luzapena eskatzeari uko egin zion. Iraunkortasun Energetikorako Neurri Fiskalei buruzko Lege berriak zentral nuklearrentzako zerga berriak eskatzen zituelako erabaki zuten jarduerarekin amaitzea.
2012. urte amaieratik darama zentralak geldirik. Nuclenorrek Ministerioari bidalitako oharrean ez zuen baztertzen zentrala berriro martxan jartzeko aukera, baina orain arte eskaerarik egin ez duenez, uztailaren 6ean izango luke ofizialki ixteko agindua.
Epez kanpo egindako eskaera berri honek harridura eta haserrea eragin du hainbat kolektiborengan. Araba Garoñarik Gabe plataformak esan duenez, ez du behin betiko itxiera ez den beste aukerarik onartuko. Berriro martxan jarriko balitz, gizartearen borondateak Estatuaren eta industria boterearen ondoan zer eginik ez duela esan nahiko duela adierazi du.
Eusko Jaurlaritzak eta Arabako Aldundiak harridura azaldu dute Nuclenorren erabaki berriaren aurrean, baina oraindik ez dute horren inguruko adierazpenik egin.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]
Zentral nuklearraren eraispen lanen planifikazioan "gabeziak" daudela egiaztatu du CSNk, eta ohartarazi du egoera horregatik Nuclenorrek erradiazio arriskuen berrebaluazioak egin behar izan dituela. Jasotako erradiazio dosi kolektiboak zehazteaz gain, dosi indibidualak... [+]
Kutsadura horren jatorria duela 33 urtera arte kontrolik gabe egondako aireztapen batean egon zitekeela uste du CSNk.
Garoñako zentralaren hondakin erradioaktiboen biltegia egiteko lau milioi euroko inbertsioa egiteko asmoa du Espainiako Gobernuak.
Apirila eta maiatza artean bukatuko dute Garoñako aktibitate txikiko eta ertaineko hondakinen lekualdaketa, Enresak adierazi duenez.
Iazko uztailean iragarri zuen Espainiako Gobernuak Garoña betiko itxiko zuela. Sei hilabete geroago ez dute aurrerapenik egin desegite prozesuan eta martxa honetan bide “luzea, neketsua eta garestia” izan daitekeela aurreikusten dute adituek. Bataz... [+]
Garoñako zentral nuklearra ixtea erabaki eta gero, haren eraisketa prozesu luzea –hamabost urte inguru iraun dezake– hasi behar da orain. Zentralaren jabe den Nuclenorrek du ardura lehen fasean, eta Espainiako Estatuari dagokio gainerakoa. Prozesua... [+]
Gasteiztik 40 kilometrora dagoen Garoñako zentral zaharkituak, 42 urteren ondoren ez du energia nuklear gehiago sortuko, Espainiako Gobernuak ixteko erabakia hartu baitu.