Garoña: laster Bilbo aldeko herritar guztientzat iodo pilulak?

  • Komeni da arretaz irakurtzea gaur Madrilgo El País egunkarian Enrique Mullerrek plazaratzen duen "Alemania ampliará la zona de seguridad alrededor de sus reactores nucleares" kronika. Euskaldunoi dagokigunez, bereziki Araba eta Bizkaiko jendeek kasu egin beharko liokete letra xeheari, bertan adierazten baita Alemaniako gobernua zentral nuklearren inguruko eremuetan ezartzera doan zenbait neurri berri. Horiek gure artera ekarriz gero (eta ekarri beharko dira laster), Araba eta Bizkaiko herritar gehienei iodo pilulak banatu beharko dizkiete agintariek, Gañorako (Burgos) zentral nuklearrean istripua gertatuz gero lehen orduetako babes neurria eskueran eduki dezaten. Bilboaldea bera ez da zentraletik 50 kilometro baino urrunago aurkitzen.


2014ko martxoaren 11n - 00:00
Azken eguneraketa: 2015-02-26 13:37:33
Garoñako zentraletik dauden distantziak.

Urtarrilaren 24an azaldu genuenez Suitzak neurri hori dagoenekoz hartuta dauka bere nuklearren inguruko 50 kilometroko eremuetan, erabaki horrek hartzen dituelarik Zurich bezalako hiri handietako biztanleak. Orain Fukushimako istripu handiaren hirugarren urteurrenean Alemaniako gobernuak jakinarazi du zabaldu egingo dituela zentral atomikoen inguruko eremu bereziak, aditu talde batek aholkatu dion moduan. Babes eremu estuena zentralaren inguruko 2 kilometrotik 5era zabalduko du. Erdiko eremua 10etik 20 kilometrora, eta honetako herritar guztiek egon beharko dute istripurik gertatzekotan denek 24 orduko epean handik alde egiteko. Garoñara ekarrita, Miranda de Ebro ebakuatzea esan nahiko luke neurri honek. Hirugarren eremu zabalakoa, kanpoko aldekoa, 50 kilometrotik 100tara hedatuko dute Alemanian. Neurri hau gurera ekarriz, eremu horren barruan geratuko litzateke Gasteizez eta Araba gehienaz gain Bizkaiaren zati nagusia, Bilboaldea barne, eta Gipuzkoa eta Nafarroako lurralde asko ere bai. Alemanian, zonalde honetan bizi diren 45 urtez goitik herritar guztiei banatuko zaizkie iodo pilulak, istripuaren ondorengo 12 orduen barnean, isuri erradioaktiboetako batek, 131-Iodoak, tiroideetan eta gizakien beste zenbait ataletan ekarriko dituzten kalteak saihesteko.

"


Kanal honetatik interesatuko zaizu: Garoña
Enpresa publikoak eraitsiko du Garoña, 40 urtez Iberdrola eta Endesak ustiatu ondoren

Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]


Garoña eraisteko baimena eman du Espainiako Gobernuak

Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.


2022-12-19 | Hala Bedi
Garoñaren desegitea 2023ko ekainean hasiko da

Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.


2021-11-26 | Hala Bedi
Eguzkik alegazioak aurkeztu ditu Garoñaren desegitea "segurua eta gardena" izan dadin

Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]


2021-11-25 | Leire Artola Arin
Langile bat hil eta beste hiru zauritu dira Tarragonako zentral nuklear batean

Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]


Eguneraketa berriak daude