Garbera merkatalguneko autobus zerbitzu berriak “kontsumoa bultzatzen” duela salatu dute
Donostiako Ezker Anitza-IUren ustez, DBusek abian jarritako zerbitzu berriak lokal eta enpresa batzuen "interes ekonomikoei" erantzuten die, hiriko garraio publikoa hobetu beharrean.
Donostian, Garbera merkatalgunetik Boulebarrera doan autobus linearen ordutegia zabaldu du Donostiako Udalak DBus konpainiarekin, eta astelehenetik larunbatera gaueko 22:25ean azken bidaia bat egingo dute autobusek, merkatalguneko langileei "joan-etorria errazteko"
Ezker Anitza-IUren ustez, baina, zerbitzu horrek ez die erantzuten langile eta herritarren beharrei: "Zerbitzuak merkatalgune horretara zabaltzeak kontsumoa bultzatzeari erantzuten dio nagusiki, eta, beraz, bertan lokalak dituzten enpresen interes ekonomikoak hobetzeari, hirian beste poligono eta lantoki batzuk daudelako, garraio publikoko zerbitzuei dagokienez gabeziak dituztenak eta lineak indartu ez dituztenak", azaldu du.
Talde politiko honen arabera, ez du zentzurik gaueko ordutegia indartzea eta, aldiz, goizekoa ez, "langileak gune horretan sartzeko ordutegia 6:00ak direnean". Gainera, hiriaren erdigunera doan linea indartzea ere ez da zuzena Ezker Anintza-IUrentzat, langile gehienak beste auzoetan eta inguruko herrietan bizi baitira: "Helburua benetan hiriko garraio publikoa hobetzea eta hiriko langileen gehiengo sozialari joan-etorriak erraztea izango balitz, zerbitzuen ordutegia Donostiako beste polo edo lantoki batzuetara zabaldu beharko litzateke".
Merkatari txikiak kalteturik
Erabaki horrekin merkatari txikiak kaltetzen direla uste du Ezker Anitza-IUk, merktalgune handietarako apustuarekin "multinazionalen zerbitzura dagoen merkataritza-eredu bat sustatzen baita, eta hurbileko merkataritzak ezin du horrekin lehiatu".
Hala, gogorarazi du 2008tik 2021era 1.000 denda txiki inguru itxi dituztela Donostian eta hainbat auzotan hutsik dauden lokalak herena baino gehiago direla, hala nola Altzan, Intxaurrondon, Loiolan, Ategorrietan edo Bidebietan.
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio, Poliziak egindako abusuen salaketak asko izan direla eta denboran hainbat garaitan... [+]
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Irailaren 9an eta 12an egingo dituzte udako eskolak. Telesforo Monzon eLab Euskal Herrigintzaren Laborategiak hizlari potenteak gonbidatu ditu, besteak beste, Iñaki Iurrebaso, Olatz Altuna, Jon Sarasua, Idurre Eskisabel, Josu Aztiria, Iñigo Urrutia eta Miren Zabaleta... [+]
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.