‘Gaitariak’, 2024ko Sanferminetako kartel iragarlea
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Angel Blanco Egoskozabalen 'Gaiteros' (Gaitariak) izango da 2024ko Sanferminetako kartel iragarlea. Bigarrenez irabazi du saria Blancok, 2009an ere jaiak iragarri baitzituen. Azken 30 urteetan aurkeztu diren kartel kopururik altuena izan da aurtengoa: 635 afixa aurkeztu dira. Epaimahaiak hamar hautatu ditu eta horien artean herritarrek bozka bidez aukeratu dute 2024ko San Fermin jaiak iragartzeko. Lan irabazlearen egileak 6.000 euroko saria jasoko du.
Kartel irabazleak 3.333 boto jaso ditu eta 2019an izandako zifrak gainditu ez badira ere, parte hartzeak gora egin du; guztira 10.018 boto jaso dira. Iruñean erroldatutako pertsonek izan dute bozkatzeko aukera, aurrez aurre, telefonoz zein telematikoki. Botoen %74 Internet bidez eman da eta %33 aurrez aurre.
Kartelean bere balio piktorikoa nabarmendu zuen epaimahaiak hamar hautatuen artean sartzeko. Tradizionala eta, aldi berean, berritzailea den kartela dela argudiatu dute. Txupinazoaren unetxoa irudikatzen du, "bibrazio, tentsio eta mugimendu handia dago Pamplonesatik Udaletxe plazara doan irteera horretan".
Epaimahaia
Kartel finalistak aukeratu dituen epaimahaiburua Iñigo Gomez Egiluz Kultura, Jai, Hezkuntza eta Kirol zuzendaria izan da. Batzordekide izan dira Javier Manzanos Garaioa Arte Plastikoetako udal-teknikaria; Idoia Iribertegi Irigibel Arte Ederretako lizentziaduna, artista plastiko eta bisuala, eta Iruñeko Arte Eskolako irakaslea, Veronica Eguaras Alcantara; Arte Ederretako lizentziaduna, ilustratzailea, irakaslea eta Tiza Elkarteko ordezkaria, Idoia Iribertegi Irigibel; Visual Komunikazioko proiektuen garapeneko zuzendaria eta Nafarroako Komunikazio Enpresen Elkarteko ordezkaria, Virginia Jonas Uriguen; Arte Ederretako lizentziaduna, artista plastiko eta ilustratzailea, Aizpea Lasa Villa; eta Javier Moron Belso diseinatzaile grafikoa, Franziska estudioko kidea eta 2007ko San Ferminen kartelaren irabazlea. Idazkari lanetan Lidia Agerri Hermoso de Mendoza aritu da, Kultura, Jai, Hezkuntza eta Kirol arloko ofizial administratiboa.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.