Ohikoa ez bada ere, polizia indarkeria ukango dute aztergai ekainaren 26an Baionako auzitegian. Hain zuzen, poliziak jaurtiriko flashballa aurpegian jasorik, manifestari gazte batek zauri larriak ukan zituen aurpegian. 2018ko abenduaren 18an Miarritzen egindako manifestazioan gertatu zen polizia gehiegikeria, G7 gailurra salatzeko protesta baten baitan. Auzi inportantea izanen da beraz, poliziaren kontrako salaketei gehienetan ez zaielako segirarik ematen.

X-en kontrako salaketa ezarri zuen manifestariak, "ordena publikoko arduradun batek armaz bortizkeria larriagotua" erabili izanagatik. Polizia Nazionalaren Ikuskaritza Nagusiak ikerketa abiatu eta iazko abenduan tiroak jaurti zituzten bi polizia identifikatu zituen. Lola Villabriga deitzen da poliziak kolpaturiko ikaslea eta auzian egongo da, Sophie Bussière abokatuarekin.