Frantziako Tourra gelditu dute ekintzaile ekologistek, klima larrialdiaz ohartarazteko
Astearteko hamargarren etapa minutu batzuez gelditu dute Dernière Rénovation erresistentzia zibileko kanpainaren bultzatzaileek, lasterketa Morzine eta Megève artean zela. Larrialdi klimatikoaz ohartarazi nahi izan dute. "Gure suntsidurara garamatzan lasterketa eroa geratu behar dugu", adierazi dute ekintzaren ostean publiko egindako prentsa oharrean.
Helmugatik 36 kilometrora moztu dute ekintzaileek lasterketa, errepidean eseri eta bengalak piztuta, etaparen buru zihoan Alberto Bettiol txirrindulariaren ihesaldia etenaz. Larrialdi klimatikoaz ohartarazi nahi izan dituzte ikusleak, "martxan den hondamendi klimatikoaren ikusle huts" izan ezin gaitezkeela adieraziz. Dernière Rénovation-eko kideen arabera, 989 egun geratzen zaizkio gizateriari bere burua salbatzea ahalbidetu diezaioken norabidea hartzeko.
Tourreko arduradunek eta poliziek ekintzaileak errepidetik atera dituzte, eta minutu batzuen ostean lasterketa berriz ere abiatu da, etenaldiaren aurretik txirrindularien artean zegoen alde berdina ezarrita.
?????? La imagen del día en @LeTour ? La carrera tuvo que parar después de que un grupo de manifestantes impidiese la marcha de los escapados ? @GettyImages pic.twitter.com/JYD3TxhaUv
— Carrusel Deportivo (@carrusel) July 12, 2022
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]