Frantziako Tourra Euskal Herrian ez dela ongi etorria aldarrikatuko dute bizikleta bira batekin
Herribiltza elkargoak dei egin du uztailaren 1etik 8ra bitartean Euskal Herritik ibiliko den bizikleta martxan parte hartzera. Independentzia aldarrikatzeko, herri mugimenduak bultzatzeko eta Frantziako Tourra gaitzesteko baliatu nahi dute ibilbidea, besteak beste.
Herribiltzak hainbat arrazoi zerrendatu ditu salatzeko Frantziako Tourra ez dela ongi etorria Euskal Herrian. Kritika horiek errepideetara eramango dituzte uztailaren lehen astean, zortzi eguneko bizikleta bira batean. Elkarretaratzeak ere antolatu dituzte hiru hiriburutan: Bilbon uztailaren 1ean, Donostian uztailaren 2an eta Baionan uztailaren 3an. Bilbon hasi eta bukatuko da bira eta, aldatzen joango diren bizikleta lekuko bat buru dutela, herriz herri ibiliko dira. Zenbait herri mugimenduren artean txandakatuko dute lekukoa.
Euskal herritarren herri biltzarren elkargo gisa osatu zuten Herribiltza 2022an, eta honela definitu: “Euskal herritarron biziei buruz erabakitzeko boterea egiazkiz gure eskuetan izaitea bermatu nahi duen Euskal Herri osoko erakundea”. Hainbat ekintza egin dituzte azken hilabeteetan, frantsesezko seinaleak kentzea, esaterako. Orain, udako beste ekintza hau iragarri dute.
Herribiltzak biraren aurkezpen oharrean gogorarazi du Euskal Herriaren independentzia ardatz duela, eta horren baitan antolatu du ekimen hau ere, “Frantziako agintariek Euskal Herria zapaltzen dutelako”, besteak beste. Tourra gaitzesteko arrazoien artean, antolatzaileek azpimarratu dute panem et circenses politika salagarria dela: “Jendeari janaria eta jokoak eman, munduko arazo larriei eta bidegabekeriei arretarik eman ez diezaioten”.
Arabako, Bizkaiko eta Gipuzkoako instituzioak ere kritikatu dituzte, Frantziako Tourra laguntzeagatik. Salatu dutenez, orotara 14,2 milioi euro publiko bideratuko dituzte Eusko Jaurlaritzak, Foru Aldundiek, eta Donostia, Gasteiz eta Bilboko Udalek.
Gogorarazi dute Tourraren ardura duen enpresak diru irabazi handiak dituela urtero, “langileen bizkar”, eta lasterketan bertan egiten duten publizitate karabana “lotsagarritzat” jo dute: “160 publizitate auto, 15 milioi publizitate objektu banatuta, eta abar”.
Auzi ekonomikoez gain, Herribiltzak ohartarazi du kutsadura eta beroketa klimatikoa eragiten dituztela horrelako ekitaldi handiek, hala nola Frantziako Tourrak, Vueltak, Mundialak eta Joko Olinpikoek, bidaiak eta kontsumoa direla eta. “Arduragabekeri hutsa” deritzote.
Herritarrei eta eragileei dei egin diete bizikleta biran parte hartzera, eta bizikleta lekukoa izan nahi duenak eurekin harremanetan jartzera. Hemen ikusi daiteke programazio osoa.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
Espainiako Vueltak zeresan handiagoa eman du aurten Palestinaren aldeko ekintzengatik, ziklisten arteko lehiagatik baino. Bosgarren etapan –taldekako erlojuz kontrakoan– dozena erdi ekintzailek Israel Premier Tech taldeko txirrindulariak geratu zituztenetik,... [+]
Osasuna futbol taldeak bat egin berri du AHTren aldeko enpresarien plataformarekin. Baina, "kirola eta politika ez dira nahastu behar" 'koinatuen' esaldirik gogokoena Bilbon gertatutakoaz besterik ez dugu entzun. 23 hilabetez jarraian estatu genozida batek... [+]
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Motorrez gainezka dago Iñaki Mujikak Altsasun duen tailerra. Ilaran daude denak, baina bada barreneko gelaxka batean aparte gordetako bat. Mujikak beretzat egokitu nahi duen motorra da. 2021ean igo zen azkenekoz motor gainera; istripu larria izan zuen moto-kros zirkuitu... [+]
Sare sozialetako argitalpen baten bidez, otsailaren 23an, Ane Santesteban txirrindulariak (Errenteria, Gipuzkoa, 1990) endometriosia daukala iragarri zuen. Diagnostikoak lagundu egin dio ulertzen zergatik batzuetan gaizki sentitzen den bizikletan: “Kisteak aldaka okertzea... [+]
Araba eta Bizkaian ez bezala, Gipuzkoan txirrindulari gazteen lasterketak antolatzeko “etengabeko oztopoak” jartzen dizkietela adierazi du Santi Osoro Gipuzkoako Federazioko zuzendari ohiak. Urriaren 13an Donostian egin zuten manifestazioa auziari irtenbidea ematea... [+]
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.