Berria-ko, Kazeta.eus-eko, Naiz-eko eta Mediabask-eko argazkilaria da Faveau, besteak beste. Argazkilariak salatu duenez, asteartean Baionako Alsace-Lorraine kalean Poliziak jarri zuen kontrolaren irudiak hartzen hasi zenean, bi poliziek prentsa agiria eskatu zioten, eta berak eman egin zien. Tarte batera beste bi poliziak argazkirik ez ateratzeko esan zioten, salaketa jartzeko mehatxu eginez. Faveauk irudiak hartzeko eskubidea duela gogorarazi zion Poliziari.