Frantziako inteligentzia zerbitzuak “terrorismoaren aurkako” ildoa indartuko du
2008an sail bateratua bihurtu zenetik izan duen aldaketarik handiena egiten ari da Frantziako inteligentzia-aparatua Le Mondek argitaratu duenez. “Terrorismoaren aurkako” ildoa indartzea da birmoldaketaren helburua, nahiz eta seinalatutako bakarrak ezkerreko taldeak diren.
Mohamed Merah aferaren ondoren buruzagiz aldatu zuen Frantziako Barne Informazio Zuzendaritza Zentralak (DCRI frantsesezko sigletan): iazko ekainean izendatu zuten Patrick Calvar zuzendari Dominique Roulièren ordez. Izenik eman ez duen iturri batek Le Monderi adierazi dionez ez da hori izango Frantziako inteligentzian gertatuko den kargugabetze bakarra.
Organigramaz gain, norabidea ere aldatuko dela pentsatzeko motiboak badaude. Le Monden Laurent Borredonek idazten duenez, Frantziako Barne Ministro Manuel Vallsek 2012ko azaroaren 5ean izen-abizenak jarri zizkion xede-talde berriari: “Ultra-ezkerretik datozen indarkeria-motak, mugimendu anarkistak edo autonomoak” seinalatu zituen.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
Tiroa “ustekabekoa” izan zela adierazi du Eusko Jaurlaritzako Segurtasun Sailak. Batek belaunean zuen zauria eta besteak eskuan.