Iaz sorturiko Azterketak Euskaraz kolektiboa harremanetan jarri da Jean-Michel Blanquer ministroarekin. Ikasleek baxoa eta brebeta euskaraz pasatu ahal izatea eta irakasleek euskaraz zuzendu ahal izatea nahi du Azterketak Euskaraz-ek.
Jendetsua eta aldarrikatzailea izan da urriaren 6 honetan Azterketak Euskaraz kolektiboak egindako prentsaurrekoa. "Zuzena eta egingarria den eskaera berresten dugu. Baxoko eta brebetako azterketak euskaraz zuzenduak izatea eskatzen dugu gure ikasleentzat". Gutun bidez luzatu dute eskaera Frantziako Hezkuntza ministroari baita Akademia Ikuskariari ere.
Aldarria plazaren erdira eraman zuten beste behin ere iaz eta aurten ere berdin determinaturik segitzen dute. Oroit gara, desobedientziaren bidetik, baxoko filosofia azterketari euskaraz erantzun zutela. Bide beretik egin zuten brebeta zuzentzen dabiltzan irakasleek ere, frantsesezko azterketak zuzentzea errefusatuz.
Ikasle, irakasle eta Seaskako ordezkariek parte hartu dute Azterketak Euskaraz kolektiboaren prentsaurrekoan:
#euskaraz ikasi eta bizi nahi dugu. Biziki sinplea. pic.twitter.com/Th2JxhU7Q9
— Selaurua Betez (@selauruabetez) October 6, 2021
Hirugarren urtez Xiberoako ikastolei bultzada emanen die Tulalaika bestak.
Aitzinkontua ez emendatzea bozkatu du Euskararen Erakunde Publikoak. Iazko bera izanen da, lau milioi t'erdi inguru. Horrek Euskalgintzako hainbat sektoreren kexua piztu du, eta EEPren izatea zalantzan jarri dute, gaur egun, tresna baliagarria ez delakoan. Hur Gorostiaga... [+]
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Udaberrian, Iparraldeko Hizkuntz Politika Publikoa berrituko da: hortik, datozen urteetako norabideak, asmoak eta horien zerbitzuko jarriko diren dirutzei buruzko erabakiak hartuko dira eta horretan jarrera argia hartu beharko dute eskualdeak, departamenduak, estatuak eta Euskal... [+]