Frantziako Gobernuarekin harremanak hautsi dituela jakinarazi du Seaskak, irakasle gehiago izatea eragozten diolako

  • 230 ikasle gehiago izango dituzte Seaskako ikastolek datorren irailetik aurrera. Irakasleen kopurua, ordea, ez da neurri berean haziko: Frantziako Hezkuntza Ministroak esan du egungo irakasleekin egin beharko diotela aurre datorren ikasturteari. Mobilizazioak iragarri dituzte gobernuaren erabakia gaitzesteko. Lehena maiatzaren 4ean izango da.


2018ko apirilaren 03an - 12:26
Kaxu! Ikastola Kexu! lelopean egin dute elkarretaratzea herriko frontoian. Irudia: @euskalirratiak

Agerraldia egin dute Saran Seaskako arduradunek Frantziako Gobernuaren erabakiaren berri emateko. Paxkal Indo Seaskako presidenteak egoera “jasanezina” dela nabarmendu du, eta deialdiaren helburua fokua hiru arlotan jartzea dela berretsi du: egoera salatzea, Hezkuntza Ministerioarekin harremanak hautsi dituztela azaltzea eta mobilizazioetara deitzea.

Hasiera batean 4,5 postu gehiago hitzeman zizkien Pierre Barriere Pirinio Atlantikoetako Akademia ikuskariek ikasturte berrirako Seaskako arduradunei. Martxoan, aldiz, iritziz aldatu dutela nabarmendu du Indok, azken bileran beraientzat irakaslerik ez dutela jakinarazi zietenean. Ordutik eten egin dituzte negoziaketak Frantziako Gobernuarekin. Kalkuluen arabera, 25 irakasle berri beharko lituzkete euren ikastola, lizeo eta kolegioen beharrizanei egoki erantzuteko.

Ipar Euskal Herriak hezkuntza arloan ere egitura propioa behar duela aldarrikatu du Seaskako presidenteak. “Hitzarmen bat baino gehiago, Akademia ikuskari propioa behar dugu, euskal hezkuntzaren beharrei erantzuteko”. Herri Urrats arte mobilizazio aro bat irekiko du Seaskak, tokian tokiko ekintzekin, eta horietan parte hartzera deitu du.


Kanal honetatik interesatuko zaizu: Seaska
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-19 | Leire Artola Arin
Beskoitzeko ikastolari 2025era arte luzatu diote lurrak erabiltzeko baimena

Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


2023-12-19 | Leire Artola Arin
Peio Jorajuria, Seaskako lehendakaria
“Ezinezkoa da Beskoitzetik ikastola bat horrela kanporatzea”

Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]


2023-11-20 | ARGIA
Beskoitzeko ikastolaren alde ehunka euskaltzale bildu da

2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.


Eguneraketa berriak daude