Frackingarekin hasteko Ingurumen Azterketa tiraderan gordeta… udal hauteskundeen ostera arte?
SHESAk, hidrokarburoen esplorazioa eta ustiapena sustatzeko helburua daukan enpresak –haren jabe bakarra Energiaren Euskal Erakundea entitate publikoa da–, 2013tik dauka prest gas ez-konbentzionala bilatzeko lehen bi putzuetarako (Enara 1 eta 2) Ingurumen-inpaktu Azterketa, baina publiko egiteko unea atzeratzen ari da, Gara egunkariak argitaratu duenez.
aurre egingo dieten hedabide independenteak
Informazio publiko fasea gainditu ondoren, Ingurumen-inpaktu Azterketa Espainiako Ingurumen Ministerioari igorri behar zaio. Hark oniritzia emanez gero, zundaketaren aldeko Ingurumen-inpaktu Adierazpena emango du, eta zulatze lanei ekin ahal izango diete SHESAren bazkideek, Petrichor (Heyco) eta Cambria konpainia estatubatuarrek. Bi horietan lehenak iragarri duenez, 2015ean daukate asmoa zulatzen hasteko.
SHESAren hasierako asmoa zen 2015eko hasieran jasotzea ministerioaren Adierazpena, baina prozesua moteltzen ari da. EH Bilduk Proiektuaren Ingurumen-inpaktu Azterketa eskatu du, baina Jaurlaritzako Ekonomia Garapen Sailak ukatu egin dio, informazio publiko fasera iritsi aurretik txostenaren edukia ezagutarazteak prozedurari kalte egingo liokeela argudiatuta.
Dani Maeztu EH Bilduko legebiltzarkidearen ustez, Lakuak ez du nahi azterketaren edukia maiatzeko udal hauteskundeak baino lehen ezagutzea, horrek areagotu egingo lukeelako frackingaren aurka jendartean zabalduta dagoen jarrera. “Ingurumen-inpaktu Azterketa publikoa denean, jakin egingo da zer produktu kimiko erabiliko duten, zer hondakin mota eratuko den eta zer tratamendu emango zaien…”, adierazi digu Maeztuk.
Legebiltzarkide durangarrak gaineratu duenez, EH Bilduk ez du baztertzen txostena ez emateko erabakiaren aurka helegitea aurkeztea. Horretarako, Espainiako Konstituzio Auzitegira jo beharko lukete.
Ingurumen-inpaktu Azterketaren edukia publikoa ez izan arren, haren nondik norakoa igar daiteke SHESAk 2011ko irailean egin zuen Ingurumen Txostena ikusita (PDF, gaztelaniaz). Garai hartan, Jaurlaritzaren asmoa zulaketa lanak 2012an hastea zen. Baina Espainiako Gobernuak, frackingaren aurkako mugimendua apaldu nahian, legea aldatu zuen, eta harrezkeroztik derrigorrezkoa da hidrokarburo ez-konbentzionalak esploratzeko proiektu guztiek Ingurumen-inpaktu Azterketa izatea. Hori da SHESAk 2013an egin duena baina oraindik Ministerioari bidali ez diona.
Ingurumen Saila, EAEn frackinga debekatzearen aurka
Azaroaren 18an, Eusko Jaurlaritzak frackingaren debekua eskatzen duen lege-proiektua eztabaidatzearen aldeko txostena eman zuen. Bezperan bertan, baina, Ana Oregi Jaurlaritzako Ingurumen sailburua EAE osorako debeku orokorra ezartzearen aurka azaldu zen, ezertarako balioko ez lukeelakoan. Besteak beste, halako lege batek zenbait autonomia erkidegok –Nafarroa barne– dagoeneko emandakoen patu bera izango lukeelako: Espainiako Auzitegi Gorenak baliogabetu egin ditu guzti-guztiak, Espainiako Gobernuak haien aurka aurkeztutako helegiteak ebatzi bitartean.
Horren ordez, kasu bakoitza banan-banan aztertzearen alde agertu zen Oregi.
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.