Forestaliaren lau goi-tentsioko lineari helegitea jarri die Nafarroako Gobernuak
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Eraiki nahi dituen lau goi-tentsioko linea horiekin, Aragoin sortzen den energia berriztagarria EAEraino eraman nahi du Forestaliak. Mistral-Esfinge deitzen da eraikuntza proiektua eta linea horietako bakoitza 400 kilovoltekoa da. Nafarroako eta Errioxako erkidegoko lurrak zeharkatuko lituzkete lau lineek, baina bi erkidegoetako gobernuak proiektuaren aurka agertu dira.
Nafarroako Gobernuak prentsa oharrean jakinarazi duenez, foru gobernuko Ingurumen Zuzendaritza nagusiak iragan otsailean txostena argitaratu zuen, eta bertan Trantsizio Ekologikoko Ministerioak emandako baimenen aurkako jarrera azaltzen zuen. Txostenean azaltzen zen linea horiek ez zirela bateragarriak pasatu behar diren tokien balio ugarirekin, hala nola paisaia, ingurumena, kultura edota balio sozialak.
Desadostasunak forman eta mamian
Ingurumen Zuzendaritzaren aburuz, Espainiako Gobernuak proiektuarekiko prozedura modu zatikatuan eraman du aurrera, eta horrek eragozten du ingurumen kalteak bere osotasunean ikustea. Formazko desadostasunez gain, mamiari dagozkionetan hiru azpimarratzen dira: bat, lau lineak hainbat espezie kaltetuko lituzkete; bi, Natura 2000ko Sareak babestutako hainbat espazio ere bai; eta hiru, Natura 2000 Sarea eta konektibitatearen arteko koherentzia ekologiko eza.
Foru Gobernuak otsailean aurkeztu zituen desadostasun horiek Espainiako Politika Energetikorako eta Meatzetako Zuzendaritza Nagusiaren aurrean, baina hark ez du inolako erantzunik eman. Hortaz, foru gobernuak orain administrazioarekiko auzi-prozesua ireki du.
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Araba eta Nafarroa zeharkatu behar zituzten goi-tentsioko bi linea elektrikoren proiektuak ez dira gauzatuko. Espainiako Trantsizio Ekologikorako Ministerioak Aragoiko Tueste herrian Forestaliak egin behar zituen lau poligono eolikoen proiektuak artxibatu ditu.
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
7/2025 Errege Lege-Dekretua ekainaren 24an onartu zuen Espainiako Ministroen Kontseiluak baina atzera bota du Diputatuen Kongresuak, uztailaren 22an.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Manuel Casal Lodeiro (Barakaldo, 1970) informatikaria eta gai energetiko eta ekosozialen inguruko aktibista eta dibulgatzailea da. Besteak beste, 15/15/15 aldizkari eleanitza eta Galiziako Instituto Resiliencia koordinatzen ditu, eta Véspera de Nada por unha Galiza sen... [+]
Halabeharrez, ugariak eta askotarikoak dira Euskal Herrian energia berriztagarrien neurrigabeko zabalpenaren aurka antolatutako mugimendu, plataforma eta elkarteak, gehien-gehienak lurraren defentsan diharduten kolektibo sozial eta politikoetatik sortuak. Urriagoak izanagatik,... [+]
Desinformazioak eta pentsamendu likidoak den-dena hartzen duten garaiak bizi ditugu; garai aproposak beren benetako izatearen disimuluaren arituentzat. Garai aproposak jendea engainatzeko eta Kodizia Jainkosa gurtzen jarraitzeko; jazartzen gaituen Solariaren garaia omen... [+]
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]