Amasa-Villabonako EH Bilduri erantzuna
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula zalantzan eskuartean duten proiektua.
aurre egingo dieten hedabide independenteak
Trantsizio energetikoaren izenean, hainbat eta hainbat proiektu jarri dira martxan azken urteotan, eta zerrendan hurrengoa izan daiteke Amasa-Villabonakoa. Proiektu horien bidez merkatu berriak bilatzeaz gain, enpresen irabazi-asmoak lehenesten dira eta ez dira ingurunea errespetatzeko neurriak hartzen. Gainera, adierazi behar da, gaur gaurkoz ez dagoela Europa mailan trantsizio energetiko hau gauzatzeko plan errealik.
Aipatutako idatzian kontraesanak topa ditzakegu behin eta berriz. Berriztagarrien garapena herrigintzarekin uztartu nahi dutela diote. Trantsizioa demokratikoa, planifikatua eta komunitarioa izan behar dela. Bada, nola ulertzen da hori? Ez al da irabazi ugari dituen Premier Group enpresa pribatua proiektu honekin dirua poltsikoratuko duena? Ez al dira izango Amasa-Villabonako eta inguruetako herritarrak proiektuaren ondorioak pairatuko dituztenak?
Proiektu honen bitartez enpresa handiek bakarrik ez irabaztea helburu dutela diote. Eta hori nola egingo da? Nola banatzen dira “irabaziak herritarren artean”? Nola bermatuko da “sortzen den energiak ez dituela kontsumo berriak ekarriko”? Eta “erregai fosilen bidez egiten diren kontsumoak ordezkatuko direla”? Herritarrek proiektu honen bidez energia prezio eskuragarrian jasoko omen dute. Zaila da hau nola egin daitekeen pentsatzea.
Finean, hitz hutsak dirudite, horrelako makroproiektu bat jarri nahi duten herriko herritarrek entzun nahi lituzketenak. Funtsik gabekoak. Ez dago hau guztia aurrera eramateko plan errealik, eredu honek gaur gaurkoz gauzaezina dirudi eta etorkizuneko belaunaldiei ezin diegu utzi amalurra jaso duguna baino okerrago.
"Herritarrok izango omen gara erabakiaren parte. Bada, badirudi Villabonako EH Bilduk hartu duela bere erabakia, nahiko esanguratsuak baitira Udalak jadanik eman dituen pausoak"
Bestalde, egindako adierazpenen arabera herritarrok izango omen gara erabakiaren parte. Bada, badirudi Villabonako EH Bilduk hartu duela bere erabakia, nahiko esanguratsuak baitira Udalak jadanik eman dituen pausoak: administratiboki prozesua erraztea, enpresarekin biltzea, kaleratutako artikulua bera, zein testuan aipatzen den adituaren figura sortzea. Zergatik ez sortu Bizigintza ponentziak lehenesten duen bertako nekazaritza bultzatzeko aditu bat?
Horrelako proiektuen baimentzearen eskumena Industria Ministerioak eta Eusko Jaurlaritzak dutela diote baina horrek ez du esan nahi beste administrazioek ere ez dutenik. Gure kasuan, diotenaren arabera, momentu honetan enpresa udalaren esanetara dago eta udalak ez zaiola interesatzen esanez gero, enpresak ez luke aurrera egingo.
Herritarrok galdeketa baten bidez proiektuaren inguruan erabakiko dugula adierazten zaigu. Baina egindako adierazpenak kontuan izanda, inpartziala al da galdeketa? Benetan herritarrok erabakiko dugu proiektuarekin aurrera egin nahi dugun? Testuan “enpresak bere hitza betetzen badu, herri galdeketa” dio. Eta betetzen ez badu (enpresa pribatuek beren interesengatik hitzak jatea ez litzateke harritzekoa izango)? Ez al da hobe orain ez dugula nahi helaraztea?
Bien bitartean borrokan jarraituko dugu eta proiektu hau geldiarazteko firma bilketa martxan izango dugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Antropologo eta ingeniaria den Yayo Herrerok dioen bezala, datu bat da. Horren jatorria ulertzeko erraza den baieztapen xume batean laburbil daiteke: Lurra agortzen ari da.
Gaia konplexua da. Ikuspegi asko daude, interesak gurutzatzen dira, informazioa desinformazioarekin... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Gizakia kosmosa da. Kosmosa, mundua ez da gizakiarena, askotan hala dela ematen badu ere.
Udako solstizioan, egunez eguzkiak itsutu egiten gaitu duen argiaren indarrarekin, baina gauak ederrak dira, zeruan izar dirdiratsuak kabitu ezinka ikusten ditugunean. San Juan suaren... [+]
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]
Askotan hitz egin izaten da (dugu) banketxeen inguruan, kritika askoren jo-puntuan jarriz behin baino gehiagotan. Inor gutxi ezagutzen dut banketxeei buruz zerbait txarra esan ez duenik… baina, era berean, inor gutxi ezagutzen dut banketxeen zerbitzurik erabiltzen ez... [+]
Orain dela 39 urte Hego Euskal Herriak, Kataluniak eta Kanaria uharteek ezetz esan zioten NATOri; duela 36 urte lehenengo intsumisoek euren burua aurkeztu zuten Gobernu Militarretan. Garai hartan Gerra Hotzaren izua hedatuta zegoen, blokeen arteko gatazka, gerra nuklear baten... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]