Trantsizio inkestak
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik, perspektiba galtzeko arriskuan gaudenean. Horregatik, eskertzen dut EITBren azken inkestak trantsizio ekologikoari buruzko atal berezitu bat izatea Hego Euskal Herri mailan. Bakoitzak bere azpimarrak izango baditu ere, utzidazue nire arreta gehien piztu duten datuak errepasatzen.
Berri onekin hasiko naiz: pozgarria da jakitea gurean jende gehiago dagoela hiriguneetako emisio gutxiko eremuen alde, kontra baino. Gehiago direla kotxeen espazioaren kaltetan oinezkoen guneak handitu behar direla uste dutenak. Edo askoz gehiago direla bidegorri sarea handitu behar direla uste dutenak. Horrek iradokitzen du trantsizio politikek uste genuena baino onarpen zabalagoa izan dezaketela. Beraz, ausartak izateko unea iritsi da.
Inkestaren emaitzak iradokitzen du trantsizio politikek uste genuena baino onarpen zabalagoa izan dezaketela. Beraz, ausartak izateko unea iritsi da
Bestalde, badira positiboak diren baina erpin kontraesankorrak dituzten datuak. Inkestari erantzuten dion ia %80k esan du autosufizientzia energetikoa bultzatu behar dela. Sekulako albistea da hori. Kontrara, alboan zentral fotovoltaiko edo eoliko bat edukitzeko aldekotasuna %67 eta %53ra jaisten da, hurrenez hurren (deigarria da Nafarroan, eoliko askoko lurraldean, aldekotasuna ia %60ra iristen dela). Kontuan hartuta desazkunde energetiko handia izanda ere (adibidez %50ekoa), desio den autosufizientzia lortzeko megawatt berriztagarri nahikotxo instalatu beharko liratekeela (kanpoko gasa etxean erretzea ez baita autosufizientea izatea), bietako bat: edo ez da nahikoa argitu autosufizientzia lortzeak zer suposatzen duen, edo, bai, argitu da, baina hainbatek aldemeneko herriaren edo herrialdearen kontura lortu nahi du autosufizientzia hori.
Badakit politagoa dela autosufizientziaren desioaz hitz egitea, kilo eta megawattez hitz egitea baino. Elektrizitatea erabiltzerakoan, ordea, eskatzen ditugun megawattak eta sortzen direnak bat ez badatoz, kaput.
Azkenik, berri txarrena: nahiz eta azken aurreko inkestan jendeak arazo ekologikoak epe ertaineko hiru arazo larrienen artean kokatu, oraingoan inkestatuen %2,1ek soilik adierazi du ingurumenarena dela konpondu beharreko arazo nagusia. Esan beharrik ez dago epe ertainean ingurumena/ekologia/klima arazo larriena bihurtu ez dadin, gaur lehentasunez heldu beharreko kontua dela.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
Diskrezioa edo zuhurtzia hitzak entzuten dizkiedanean buruzagi politikoei kezka sortzen zait. “Hobe izango da zuhurtziaz jokatzea”, esaten digute. Horixe izaten da estalkia jakiteko, era publikoan egin izan balitz, onargarria ez zatekeen operazioa era sekretuan... [+]