Finalaurrekoak otsailaren 29an hasiko dituzte sei talde hauek
Hasierako ligaxkan hamabi taldek hartu dute parte eta hauek dira finalaurrekoetara sailkatutakoak: Sumendiola bete poto (Gasteiz), Kakiturriko gladiodoloreak (Gasteiz), Lautadako ahuntzak (Zalduondo), Konde basoko iluek (Aramaio), Izenbakuek (Aramaio) eta Errexala (Gasteiz). Lehen finalaurrekoa otsailaren 29an izango da Agurainen.
19:00etan pikoteoa eta ostean hasiko da lehen finalaurrekoan, Aguraingo Zabalarten. Sumendiola bete poto eta Kakiturriko gladiodoloreak arituko dira bertan.
Bigarren finalaurrekoa martxoaren 7an izango da, Aramaion. Izenbakuek eta Lautadako ahuntzak arituko dira, formatu berean: 19:00etan pikoteoa eta ostean saio puntuagarria, Sastiñan.
Finalaren aurreko azken saioa martxoaren 14an jokatuko dute Amurrion, Errexala eta Konde basoko iluek taldeek. 19:00etan pikoteoa eta ondoren finalaurrekoa, Kultur Etxean.
Bertsozaleren albiste honetan irakurri daitezke ligaxkako azken saioen kronikak.
