FIFAk berriro atzeratu du Israel zigortzeko eskaerari buruzko erabakia
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak zeintzuk diren eta nazioarteko gobernu eta erakundeen jarrera –NOB Nazioarteko Olinpiar Batzordearena tartean– zein den ikusita, Israel zigortzeak ezinezkoa dirudi. Baina, itxurak egiteko borondatea badu behintzat.
Borondatea-edo, FIFAk gaiari helduko diola iragarri zuenetik pasa baitira hilabete batzuk. Egin dezagun denboran atzera:
Abuztuaren 30ean X sare sozialean jakinarazi duenez, urrira arte atzeratu du Israelek izan beharreko estatusari buruzko erabakia.
Aurrez, uztailaren 18an, FIFAk jakinarazi zuen abuztuaren 31 baino lehen helduko ziola gaiari, behin alde biek (Palestinak eta Israelek) haien argudioak borobilduta zituztenean.
Aurrez, maiatzaren 17an egindako batzarrean, FIFAk jakinarazi zuen uztailaren 20 baino lehen helduko ziola gaiari, behin ebaluazio juridikoaz arduratuko zen batzordea osatuta. Minutu batzuk lehenago, Palestinako Futbol Federazioko presidente Jibril Rajoub-ek eskatu zuen israeldar federazioa zigortu eta haren ordezkariak inhabilitatzeko, Gazaren aurkako erasoa dela-eta. Asiako Konfederazioak eskaera babestu zuen.
Aurrez, apirilaren 18an, Palestinako Federazioak iragarri zuen maiatzaren 17ko batzarrean Israelen kontrako neurriak proposatuko zituela, eta mozioa aurkeztu zuen FIFAn.
Gutxienez sei-zazpi hilabete pasako dira, beraz, FIFAk eskaeraren berri izan eta gaiaz erabaki aurretik, aintzat hartu gabe Palestinak lehenago ere eginak dituen beste eskaera batzuk, Zisjordania okupatuko futbol talde israeldarren auzian, esaterako.
Bai, egia da bere sorreraz geroztik hainbat herrialde zigortu dituela FIFAk, baina horretara bultzatzeko gatazka/gerrak –eta inplikatuak– ez dira berdinak.
.jpg)
2022ko otsailaren 24an hasi zuen Errusiak Ukrainaren inbasioa. Lau egun geroago, FIFAk eta UEFAk txapelketa guztietatik kanporatu zituzten errusiar taldeak, baita selekzioa ere, NOB Nazioarteko Olinpiar Batzordearen gomendioei men eginda. "Ez ditugu kirolariak zigortu nahi haien gobernuak hartutako erabakiengatik (...) baina Errusia eta Bielorrusiako kirolariek nazioartean lehiatzen jarraitzeko aukera izango luketen bitartean, ukrainarrek ezin dute horrelakorik egin, haien herriaren kontrako erasoagatik", adierazi zuen orduan NOBek.
1990eko hamarkadan, FIFAk eta UEFAk Jugoslavia zigortu zuten –NBEk hartutako neurriei jarraituta–, Balkanetako gerraren testuinguruan. Jugoslavia kanporatua izan zen 1992ko Eurokopatik. Haren lekuan Danimarka sartu zen... eta, harrigarria bada ere, selekzio hark irabazi zuen txapelketa.
1962an FIFAk Hegoafrika suspenditu zuen apartheid politika zela-eta. Urtebetera berriro onartu zuen, baina Hegoafrikak iragarri zuenean 1966ko Munduko Kopara soilik jokalari zuriz osatutako taldea eta 1970ekora beltzez osatutakoa aurkeztuko zituela, zigorra 1974 arte luzatu zitzaion. Bi urte geroago FIFAtik kanporatu zuten, Sowetoko sarraskiagatik.
Atzera berriz ere Palestina-Israel auziari helduta, ia ziurra da FIFAk ez duela Israel zigortuko, baina, gutxienez, Palestinako Federazioak egindako eskaerak eta bestelako ekimen batzuek balio dute hainbaten lotsak azalera ekartzeko.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]