Europako Parlamentuak, 2035eko urtarrilaren 1etik aurrera auto termikoak –diesel, gasolina eta hibridoak– saltzeko debekuaren alde bozkatu zuen ekainaren 8an. Luxuzko autoak, ordea, salbuetsita leudeke.
Europako Batzordeak CO2 emisioak %100 murrizteko proposamenari helduta bozkatu du Parlamentuak debekuaren alde. Halaber, testuak jasotzen du emisioak %55 murriztu beharko liratekeela 2030erako. Proposamena lege bilakatu aurretik Europako Kontseiluak bozkatu beharko du.
Debekuaren gaineko proposamenak polemika eragin du, salbuespen deigarriak jasotzen dituelako.
"Ferrari" zuzenketa
Hedabideek "Ferrari" gisa izendatu duten zuzenketa aurkeztu dute Europako Alderdi Popularreko eta Demokratak eta Sozialistak aliantzako (D&S) zenbait kidek. Helburua: luxuzko autoen fabrikatzaileak babestea. Horrela, urtean 10.000 ibilgailu baino gutxiago saltzen dituzten fabrikatzaileek 2036ra arteko epea izango lukete CO2 emisioak %55 murrizteko.
Proposamenak, berez, badu beste salbuespen bat, Italiako diputatuek bultzatua: urtean 1.000 ibilgailu baino gutxiago saltzen dituztenek, Bugattik eta Koeniksegg-ek, esaterako, 2035etik aurrera ere gasolina autoak saltzen jarraitu ahal izango dute.
Zergatik "Ferrari"?
Pentsatzekoa da komunikabideek zuzenketari "Ferrari" deitu diotela marka aski ezaguna delako. Aldiz, ziurrenik ez lioke eragingo, urtean 10.000 auto baino gehiago salduko dituelako, adituek diotenez. Batzuek nahiago dute "Lamborghini" zuzenketa deitu, onartuko ez balitz, fabrikatzaile italiarrak bere lehenbiziko modelo elektrikoaren garapena bizkortu beharko lukeelako. Ferrarik, ordea, badu auto bat %100 elektrikoa, 2025erako prest izango dena.
"Ez horren azkar"
"Auto hauek berariazko teknologia eta erendimendu altuko bateriak behar dituzte trantsizio hori egiteko", adierazi du Trantsizio Ekologikorako italiar ministro Roberto Cingolanik, zeina Ferrari konpainiako administrazio kontseiluko kide ohia den.
Salbuespenen aurka gogor mintzatu dira, bestalde, Marie Toussant eurodiputatu ekologista edota Climate Action Network erakundeko Pierre Leflaive.
Hainbat herritan antolatzen diren sagardo egunetatik hasi eta neguko solstizioa zedarritzen duen San Tomas feriaraino, artoa ezinbesteko osagaia da folklore-kutsua duen ospakizun orotan. Nonahi ikus daitezke talogileen postuak, olanazko estalkietatik zintzilik jarritako... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.
Haziekin hamaika metafora eta hitz joko egin dira. "Zerbaiten hazia izan", "proiektu baten hazia erein", "etorkizunerako haziak"... esamoldeak ezagun zaizkigu. Zerbait berezia dute haziek.