FCC auzian lege-iruzurra egitea leporatu dio EH Bilduk Urtarani

  • Orain zabaldutako txosten juridiko batek dio hiriak FCC enpresarekin duen hitzarmena bertan behera uzteko arrazoi nahikorik ez dagoela.

Artikulu hau CC BY-SA 3.0 lizentziari esker ekarri dugu.

2018ko maiatzaren 22an - 08:53
Apirilean jakin zen FCC Gasteizko garbiketa zerbitzua utzi behar zuela. (Argazkia: Gasteizko Udala)

Gorka Urtaran Gasteizko alkatea FCC enpresarekin "bulegoetan" hitzarmenak negoziatzen ari dela salatu du EH Bilduk, gaur goizean egindako prentsa agerraldi batean. Talde abertzalearen ustetan, hondakinen gaia jorratzeko osatua dagoen udal lantaldean EAJk ezkutuan mantendu du udalak gaiari buruz egindako txosten juridiko bat.

Erosketa eta kontratazio zerbitzuko nagusiak egindako txosten hori apirilaren 10ean sinatuta dagoela salatu du EH Bilduk, baina handik zortzi egunera izandako bileran udal gobernuak horren berririk ez zuen eman.

Aitor Miguel zinegotziaren hitzetan, Urtaranek "FCCri alfonbra gorria jarri nahi izan dio, diru gehiago irabaziz berriro ere esleipenera aurkeztuz. Alkatea bulegoetan itunak ixten ari da lege-iruzurra eginez, zaborren multinazional honen pribilegioak babestuz". Gaiaren harira informazioa eskatzeko, alkatearen agerraldia eskatu du Miguelek.

Apirilean jakin zen FCCk Gasteizko garbiketa zerbitzua utzi behar zuela, Euskadiko Aholku Batzorde Juridikoak udalaren eta enpresaren arteko desadostasunen inguruan ebazpena eman zuenetik: Gasteiz garbitzeko hitzarmenean urteko 1,7 milioi euroko gaingastua enpresak bere gain hartu behar zuela zioen epaiak. Orduan Urtaranek ezagutarazi zuen FCCk hitzarmenari uko egingo ziola, baina udal oposizioak gogor kritikatu zuen aukera hori, FCCk berriro lizitaziora aurkezteko modua izango zuela argudiatuz.

Albistea Arabako Aleak argitaratu du eta ARGIAra ekarri dugu CC by-sa lizentzia balitatuta


Kanal honetatik interesatuko zaizu: Hondakinen kudeaketa Araban
2022-01-10 | Hala Bedi
Iosu Aranberri, Gasteiz Zero Zabor
"Gasteizen zaborraren %34a soilik birziklatzen da"

Multinazionalak, errauskailuak, zabortegiak, pirolisi plantak… Honetaz eta gehiago mintzatu gara Gasteizeko Zero Zabor taldeko Iosu Aranberrirekin.


2021-06-08 | ARGIA
Zabortegiak handitu eta berriak ireki nahi dituzte EAEn

Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.


2021-03-25 | ARGIA
Derrigorrezko atez ateko hondakin-organikoaren bilketa ezarriko du Kripango Udalak

Arabako Errioxan dagoen Kripan herrian bio-hondakinak etxez etxe biltzeko sistema abiaraziko dute. Azaldu dutenez organikoaren bilketa modu horretan eskaintzen duen "Arabako lehen udalerria" izango da.


Hurrengo belaunaldiei zorretan utziko dieguna

Europar Batasuneko herrialdeek dirutza mugiaraziko dute koronabirusaren pandemiari aurre egiteko. 750.000 milioi euroko aurrekontua duen Next Generation EU deituriko planaren bidez, trantsizio ekologiko eta digitala bideratu nahi da. Baina aurkeztutako proiektuek ba al dute... [+]


2021-02-07 | Mikel Zurbano
Zor publikoaren zama

Next Generation EU programak 750.000 miloi euro aurreikusten ditu datozen zazpi urtetarako. Eta aldi horretarako Europar Batasuneko (EB) aurrekontua 1,074 biloi eurokoa da. Bi hanka hauek erabiliko ditu nagusiki EBk Covid-19ak eragindako hondamendiari aurre egiteko,... [+]


Eguneraketa berriak daude