Gasteizko Gardelegi zabortegiak su hartu du ekainaren 28an

  • Gasteizko Gardelegi zabortegiak su hartu du ekainaren 28 eguerdian. Eguzki talde ekologistak ohartarazi du bertako plastikoak erretzeak osasunarentzat toxikoak diren partikulak sortu ditzakeela eta espediente bat irekitzeko eskatu du, sutearen nondik norakoak eta hondakinen kudeaketan eta ikuskapenetan dagoen kontrola ikertzeko.


2020ko ekainaren 29an - 08:53
Argazkia: Gasteizko suhiltzaileak.

Gasteizko Gardelegi zabortegiak su hartu du ekainaren 28 eguerdian. 93 hektarea ditu zabortegiak eta hiri-hondakinak eta industrialak jasotzen ditu. Zaldibarko zabortegira zihoazen 23.000 tona orain bertan botatzen dituzte. Eguzki talde ekologistak ohartarazi du hondakinak erretzea arriskutsua dela osasunarentzat, "kutsatzaileen emisioengatik, hala nola dioxina eta furanoengatik eta hidrokarburo aromatiko poliziklikoengatik. Gardelegiko plastikoak arriskutsuak izan daitezkeen substantzia kutsagarriak sor ditzakete, eta kea eta lurrun toxikoak sortzeaz gain, airearen kalitatea larriki kaltetzen dute, instalazioekin muga egiten duten eremuko (Gasteiz barne) lurrean, uretan eta biztanleguneetan sedimentatuko diren partikulak garraiatzen dituzte". Gardelegiko zabortegia Gasteizko Andra Maria Zuriaren plazatik 4 kilometrora dago.

Suhiltzaileek zabaldu dute bertako irudien bideoa:

EITBk 17:30etan idatzi duen albistean esan du sutea kontrolpean dagoela.

"Gasteizko Udalaren kudeaketa hondakinak Gardelegiko alfonbra azpian ezkutatzea da"

Eguzki talde ekologistak Gasteizko Udalaren hondakinen kudeaketa kritikatu du: "Gardelegiko makrozabortegiko alfonbraren azpian ezkutatzean oinarritzen da. Europako Zuzentarauaren arabera, hondakinen kudeaketaren azken aukera eta azken maila da zabortegia".

Eguzkik oroitarazi du Europako Zuzentaraua betetzeko Gasteizek 2020rako hondakinen %50 birziklatu behar zuela eta "helburu horren erdira" iritsi dela: "Zabortegira zaborrik bota behar ez izateko lan egiteko garaia da". Hondakinen politika osoa berrikusi behar dela adierazi du: "informazioa, gardentasuna eta kudeaketaren erantzukizuna eskaini behar dira Zaldibarren edo gaur Gardelegin izandako sutearen antzeko egoerak saihesteko. Hondakinen kudeaketak ezin du kudeaketa delegatua ekarri, kudeaketa publikoa eta zuzena baizik, osasuna, biztanleria eta ingurumena defendatzeko, Europako jarraibideen araberako politika bat aplikatuz, eta ahal den neurrian hondakinak murriztuz".


Kanal honetatik interesatuko zaizu: Hondakinen kudeaketa Araban
2022-01-10 | Hala Bedi
Iosu Aranberri, Gasteiz Zero Zabor
"Gasteizen zaborraren %34a soilik birziklatzen da"

Multinazionalak, errauskailuak, zabortegiak, pirolisi plantak… Honetaz eta gehiago mintzatu gara Gasteizeko Zero Zabor taldeko Iosu Aranberrirekin.


2021-06-08 | ARGIA
Zabortegiak handitu eta berriak ireki nahi dituzte EAEn

Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.


2021-03-25 | ARGIA
Derrigorrezko atez ateko hondakin-organikoaren bilketa ezarriko du Kripango Udalak

Arabako Errioxan dagoen Kripan herrian bio-hondakinak etxez etxe biltzeko sistema abiaraziko dute. Azaldu dutenez organikoaren bilketa modu horretan eskaintzen duen "Arabako lehen udalerria" izango da.


2021-02-02 | Mikel Zurbano
Zor publikoaren zama

Next Generation EU programak 750.000 miloi euro aurreikusten ditu datozen zazpi urtetarako. Eta aldi horretarako Europar Batasuneko (EB) aurrekontua 1,074 biloi eurokoa da. Bi hanka hauek erabiliko ditu nagusiki EBk Covid-19ak eragindako hondamendiari aurre egiteko,... [+]


Hurrengo belaunaldiei zorretan utziko dieguna

Europar Batasuneko herrialdeek dirutza mugiaraziko dute koronabirusaren pandemiari aurre egiteko. 750.000 milioi euroko aurrekontua duen Next Generation EU deituriko planaren bidez, trantsizio ekologiko eta digitala bideratu nahi da. Baina aurkeztutako proiektuek ba al dute... [+]


Eguneraketa berriak daude