Farmakokutsadura: sendagaien hondakin bolumen handiak eragiten duen arazoa

  • Sendagaien kontsumoa handitzen ari da –bai gizakiona, bai abereena– eta horrek sendagaien hondakin bolumena handitzea dakar. Sendagaien hondakinek ingurumenean duten inpaktua aztertu nahi izan du Saioa Domingoren doktore-tesiak.


2022ko uztailaren 12an - 13:20

Pandemiaren lehenengo olatuan Gasteizko ospitaleetan koronabirusa tratatzeko erabilitako farmakoak, horiek ingurumenean duten presentzia eta haien arrisku ekotoxikologikoa aztertu ditu Domingok, EHUn defendatutako tesian. Farmako arriskutsuekin ere gauza bera egin du.

Gasteizko ospitaleetan COVID-19aren lehenengo olatuan farmako antibiralen eta sedoanalgesikoen kontsumoa izugarri handitu zela ondorioztatu du, batez ere zisatrakurioarena (25 bider handitu zen) eta lopinabir-erritonabirrarena (20 bider handitu zen), eta farmako batzuek hondakin uren araztegian zuten kontzentrazioa neurtu zen. Domingoren hitzetan, “erabilitako farmako aipagarri gehienen kasuan, ingurumenean izan zitzaketen ondorio kaltegarriei buruzko informazioa urria da (azitromizinaren kasuan izan ezik). Azterlanean neurtutako ingurumen kontzentrazioak kontuan hartuta, azitromizinak arrisku ekotoxikologiko moderatua zuela eta hidroxiklorokina eta lopinabir-errritonabirrek arrisku txikia zutela ondorioztatu zen”.

Farmako arriskutsuek ingurumenean duten inpaktua ez dela behar adina aztertu eta Garapen Jasangarriko Helburuak lortzeko farmakokutsaduraren aurkako borroka funtsezkoa izan litekeela ere badio doktoreak. Erronka horri irtenbideak bilatzeko, osasun arloko profesionalek sendagaien ingurumen inpaktuaren ikerketan parte hartu behar dutela dio Saioa Domingok.


Kanal honetatik interesatuko zaizu: Hondakinen kudeaketa
2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


Espainiako Estatuan inoiz baino ur gehiago botilaratu da, eta behera egin du Hego Euskal Herrian

2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.


Plastiko-fabrikatzaileek iruzur egin dutela erakusten du txosten batek

Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.


Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


Eguneraketa berriak daude