Emakumeak borrokan

Facebookek zurien supremazismoa debekatuko duela iragartzeko oharrean euskal independentismoa aipagai

  • "Gaur iragarri nahi dugu nazionalismo zuria eta separatismo zuria gorestea, babestea eta ordezkatzea debekatu egin dugula Facebooken eta Instagramen. Garbi dago kontzeptu hauek gorroto taldeekin lotuta daudela eta ez dute lekurik gure zerbitzuetan". Horrela hasten da Facebooken ohar ofiziala. Neurriak datorren asteatik aurrera jarriko dituzte indarrean. Azalpenean, euskal independentismoa aipatu dute.

Lander Arbelaitz Mitxelena @larbelaitz
2019ko martxoaren 28a

Gorrotoaren aurka zutik izeneko artikulua argitaratu du interneteko multinazionalak martxoaren 27an. Hitzez hitz honela dio bigarren parrafoan:

"Gure arauek aspalditik debekatzen dituzte gorroto jarrerak jendearen arraza, etnia edo erlijio arrazoiengatik, eta betidanik zurien supremazismoa zaku horretan sartu dugu. Hasieran ez genituen arrazoibide berak aplikatu zurien nazionalismoari eta zurien separatismoari dagokioenez, nazionalismo eta separatismo kontzeptu zabalagoetan pentsatzen ari ginelako –amerikarren harrotasuna edo Euskal separatismoa adibidez, jendearen nortasunaren parte garrantzitsu dira–".

Parrafo horren kaptura.

Aldiz, orain dio azken hiru hilabeteetan arrazen arteko harremanari buruz mundu osoko gizarte zibileko eta akademiako kideekin mintzatu direla, eta baieztatu dutela nazionalismo zuria eta "separatismo zuria" ezin direla bereizi supremazismo zuritik eta antolatutako gorroto taldeetatik. Diotenez, askotan bat egiten dute nazionalismo zuriak, separatismo zuriak eta supremazismo zuriak.

Facebookek oharrean dio erabiltzaileek posible dutela beren ondare etnikoaz harrotasuna adierazi, baina ez dutela onartuko nazionalismo zuria eta separatismo zuria.

Oharra amaitzen da esanez supremazismo zuria duten edukiak ezabatu egingo dituztela eta pantailazo bat erakusten dute, non ikusten den Heil Hitler bilatuz gero ohar bat aterako dela hemendik aurrera.

Franco goretsi daiteke?

Orain aste batzuk, Facebooken barne zentsurak nola funtzionatzen duen agerian uzten zuen artikulua argitaratu genuen. Bertan, Facebookentzat oso modu prekarioan lan egin duten bi pertsonaren testigantzak irakur zitezkeen. Hauek salatzen zuten multinazionalak hainbat arau oso zehatz finkatuta dauzkala zer eduki ezabatu eta zer ez erabakitzeko orduan, baina kontraesanak agerikoak direla. Adibidez, debekatua dago Hitler goraipatzea, baina Franco goraipa daiteke. Horren adibide, Francisco Franco Fundazioak duen Facebook orri ofiziala.

Francisco Franco Fundazioaren orri ofiziala.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Facebook

Facebook kanaletik interesatuko zaizu...
Facebooken zentsura: 15.000 langile prekarioren ogibide sekretua

"Hemen faxismoa eta jazarpen matxista onartu egiten dira" izenburupean, Eldiario.es hedabideko Juan Luis Sanchez eta David Sarabia kazetariek Facebooken zentsurari buruzko erreportajea egin dute. Multinazional erraldoiarentzat mundu osoko 15.000 langile ari direla diote, lanean norentzat ari diren esatea guztiz debekatuta. Beste enpresa batzuen bidez azpikontratatzen dituzte. Gainbegiratu behar dituzten edukien gogortasunagatik, eta langileen artean elkar salatzeko daukaten... [+]


2018-12-06 | ARGIA
Google tasa 2019an ezarriko duela berretsi du Frantziako Gobernuak

Europan zerga txikiak ordaintzen dituzte interneteko erraldoi teknologikoek (Google, Apple, Facebook, Amazon…) eta horiei enpresa digitalen gaineko zerga, Google tasa delakoa, aplikatu nahi zaie Europar Batasunean, baina herrialde guztiak ez daude ados. Erabakitzen dena erabakitzen dela, Frantziak zerga ezarriko duela adierazi berri du Bruno Le Maire Finantza ministroak.


2018-10-19 | ARGIA
Multinazionalen zentsura
Muy Bastas orria ezabatu du Facebookek zazpi hilabetean hirugarren aldiz

Facebooken 55.000 laguneko komunitatea zuen Muy Bastas returns orri arabarra ezabatu du enpresa multinazionalak, oraingoan arrazoirik eman gabe. Enegarren aldia mezu politikoak, herri mugimenduen deialdiak eta umorea nahasten dituen orri hau zentsuratzen dutela, azken zazpi hilabeteetan hirugarren aldiz, Hala Bedin jaso dutenez.


2018-07-12 | Hiruka .eus
Facebookek zentsuratu egin dio Sopelako lasterketa nudistaren informazioa Hirukari

Facebook-ek birritan zentsuratu dio Hiruka.eus hedabideari Sopelako lasterketa nudistaren gainean argitaratu duen kirol-artikulua. Kasu bietan, sare sozialak iragarri du digital honek Facebooken duen orritik "zerbait ezabatu" duela, enpresaren "komunitate-arauak bete ez dituelako".


2018-06-08 | ARGIA
Facebookek publiko egin ditu 14 milioi erabiltzaileren mezu pribatuak

Maiatzaren 18 eta 27a bitartean softwarean emandako "akats" baten ondorioz, txat eta talde itxien bidez erabiltzaileek bidalitako mezuak publiko egin dira.


Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


2018-04-27 | ARGIA
Muy Bastas orria ezabatu du Facebookek, mezu feministak zabaltzeagatik

Sareko umore politikoa zabaltzen duen kontu anonimoa da Muy Bastas, Facebooken 280.000 jarraitzaile inguru dauzka, Euskal Herrian jarraitzaile gehien duen orrietako bat. Twitterrez informatu dutenez, besteren artean, Irantzu Varela ekintzaile feministaren txioak zabaltzeagatik indargabetu du enpresa multinazionalak.


2018-03-22 | ARGIA
Edward Snowden
"Facebook bijilantziarako enpresa bat da"

NSA segurtasun agentziako langile ohi Edward Snowdenek esan du "bijilantzia konpainia" dela Facebook. Adierazpenok egin ditu Facebookek itxi ostean Cambridge Analytica enpresaren eta bertoko langile ohi Christopher Wylie-ren kontuak. Analista kanadiar honek salatu du Cambridge-ek 50 milioi herritarren datuak pilatu zituela legez kanpo, AEBetako 2016ko hauteskunde kanpainan Donald Trumpen hautagaitza babesteko.


2017-11-22 | Miren Osa Galdona
Facebookek LGTBI tematikako galizierazko film bat zentsuratu duela salatu dute

Nove de Novembro filma LGBTI tematika erdigunean jartzen duen lehen pelikula luze galiziarra da. Trailerra Facebook bidez zabaltzerako orduan, edukia zentsuratu dietela salatu du Lazaro Louzao zuzendariak. Facebookek dio bideoak ez dituela betetzen sare sozialak eskatzen dituzten irizpideak.


2017-10-04 | Andoni Mikelarena
Facebook eta Googlek Las Vegaseko erasotzailearen inguruko informazio faltsuak zabaltzen lagundu dute

Bi iturri horiek zabaldu dute atentatuaren ustezko egilea alderdi Demokratako kidea zela eta Donald Trumpen aurka egin zuela.


Eguneraketa berriak daude