Facebook eta Instagramen jabe Metari 390 milioi euroko isuna, Europako pribatutasun legeak urratzeagatik
Irlandan duenez egoitza fiskala Meta multinazionalak, herrialde horretako Datu Babeserako Batzordeak ebatzi du legez kanpo erabili dituela sare sozialen erabiltzaileen datuak. Herritarrak publizitate pertsonala baimentzera derrigortzen dituela azaldu du. Facebooki 210 milioi euroren isuna jarri dio, Instagrami 180 milioi eurorena, eta WhatsAppen aurkako salaketa datorren astean ebatziko du; hiru plataforma horiek batzen dituen enpresa da Meta, Facebooken uberan sortua.
Meta enpresari 390 milioi euroko isuna jarri dio Irlandako Datuen Babeserako Batzordeak, sare sozialen erabiltzaileak publizitate pertsonalizatua onartzera behartzeagatik eta zehazki, “gardentasunerako” betebeharrak urratzeagatik. Irlandako Batzordeak erabaki du auziaren inguruan, Metak Irlandan duelako Europarako egoitza fiskala.
Metaren jabetzakoak diren Facebook eta Instagram sare sozialei jarri diete isuna: 210 milioikoa eta 180 miliokoa, hurrenez hurren. WhatsAppen aurkako salaketa jarrita dago, baina datorren astean dira hari buruzko ebazpena ematekoak –Metaren jabetzakoa hau ere–.
Le Mondek jaso duenez, erabiltzaileak sareok erabiltzeko baldintzak onartzera behartzen ditu. Isunaz gain, hiru hilabeteko epea eman dio Batzordeak Metari baimenen formatua aldatu eta norberari egokitutako publizitatea baztertu ahal izateko aukera emateko.
Hala ere, Metak iragarri du helegitea jarriko diola ebazpenari, argudiatuz Batzordeak ebatzitako neurriek ez dutela debekatzen publizitate pertsonalizatua egitea.
Aurreko hilabeteetan Metak jasotako isun guztien laburpena artikulu honetan topa daiteke. Zigor ekonomiko hauek ez dira edonolakoak, baina Metak bere negozioa aurrera eramateko ordaindu beharreko kostu bezala hartzen dituela pentsatzen du askok. 2021ean 95.280 milioi dolarreko irabazi gordinak izan zituzten, eta 3.000 milioi euro gordeak omen dituzte 2022-2023 urteetan datuen babesarekin lotutako isunak ordaintzeko.
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. Hala ere, datorren ikasturtetik aurrera gauzak aldatzera doazela dirudi, datuen babeserako agentzia daniarrak legez kanpokotzat jo baitu... [+]
Orain arte ezezaguna zen zelatatzeko metodo baten berri eman du AEBetako Ron Wyden senatariak: mugikorreko jakinarazpenak. AEBetako eta beste estatu batzuetako gobernuak teknika hori erabiltzen ari dira, Reuters-ek jakitera eman duenez.
Filtratu egin da eIDAS 2 araudi berriaren zirriborroa, eta jakinarazi dute nortasun digital bat sortu nahi dutela pertsona bakoitzarentzat. Modu zentralizatuan eta digitalki, biztanle bakoitzaren askotariko datu eta agiriak jasoko ditu biltegi horrek.