Gazte independentisten auzian egonagatik, epaitegian ez agertzea erabaki eta ezkutatuta zegoen Irati Mujika. Ostegun arratsaldean jakinarazi dute poliziak atxilotu duela Aramaion (Araba).
Mondraberri guneak jakitera eman duenez, atzoko operazioa salatzeko manifestazioan eman dute jakitera Irati Mujika atxilotu duela kalez jantzita zihoan polizia espainiarrak "orain dela gutxi" Aramaion.
Epaiketari uko
Lau gaztek uko egin zioten Espainiako Auzitegi Nazionalean deklaratzeari. Goizane Pinedo, Unai Ruiz eta Idoya Iragorri dira oraindik ezkutuan dauden beste hiruak. 40 gazteren aurkako sumarioa da eta Segi gazte erakundeko kide izana leporatzen diete. 30ek torturak salatu zituzten inkomunikazio ostean.
Atxiloketa Bilboko manifestaziorako hiru egun falta direnean eta atzoko 8 atxiloketen osteko testuinguruan egin dute.
Atxilotu aurretik grabatutako bideoa
Herri harresiko kideek sarean zabaldu dute Irati Mujikak bere etxean bertan gabonen ostean grabatutako bideoa. Bertan babesa eman dioten guztiei eskerrak eman dizkie, eta ezkutuan dauden gainontzeko hiru kideei indarrak bidaltzen dizkie.
Sare sozialetan mugimendua eragin du eta #StopArrestingBasques etiketa proposatu dute: euskaldunak atxilotzeari utzi.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.