Ez ote gara ari gizarte bezala sustatzen duguna orain gaitzesten?

  • Oraintxe irakurri dut egunero 300 espainiarrek “Manada”-ren bortxaketaren bideoa bilatzen dutela pornografia web ataritan.


2018ko maiatzaren 09an - 13:00

Ez dakit zer den kezkagarriagoa zalantza ala baieztapena. Zalantza diodanean hauxe esan nahi dut. Ez dakidala bilatzaileek plazeragatik, bortxaketaren bideo batek sor diezaieken plazer sexualagatik egiten ote duten, ala epaiketaren entzutea kontuan izanik hau norberak epaitu eta froga nagusietako bat, bideoa bera, ikusi nahi ote duten.

Estatu gisa, Espainiak ez du gainditu "etxeko pareten barruan" gorde beharreko gatazken pertzepzio eta kultura

Hausnarketa honen ostean konstatazioa dator, baieztapena. Pornografia atari batean bortxaketa baten bideoa bilatzen duenak, zer demontre ulertu du honen guztiaren inguruan? Glaukomako lagunek dioten moduan, pornografia izan da gure heziketa sexuala. Are gehiago, gure sexualitatearen pertzeptzioa hondatu edo nahastu duten eredu horiek, zinemagintza pornoaz ari naiz, hainbeste murgildu dira gizarte baten imaginarioan non gizabanakoek fikziozko zinema pornografikoen atarian aurkitu nahi duten bortxaketa baten bideoa. Tamalgarria da. 

Baina hausnarketa harago eraman beharra dago. Bortxaketaren atzean, erailketa matxistaren atzean bezala, oinarri moral bat dago. Egunero, konturatu gabe elikatzen duguna. Kode penalaren erreforma eztabaidatzen ari diren honetan, ikuspegi legaletik bada zerbait atentzioa ematen duena. Gure gizartean lapurreta bat ikusi eta hau salatzen badugu, justiziak horren aurkako neurriak hartu eta dagokion tratamendu legala emango dio. Ofizioz jardungo du sistema judizialak. Ondarea defendatzen dugu ofizioz, ez baina askatasun eta indemnitate sexuala. Salaketa tartean ez bada, ez da epaiketarik izango eraso sexual baten aurrean. Esango nuke gizarte bezala, edo hobe esanda, estatu bezala, Espainiak ez duela gainditu “etxeko pareten barruan” gorde beharreko gatazken pertzeptzio eta kultura. Eta noski, horrek beste behin ere emakumearen eskubideen aurka egingo du, jasandakoa salatu eta justizia exigitzean, bere burua fokopean jarri beharko baitu berriro, gizarteak bere burua biktimizatu, edota bere hitza zalantzan jartzen duela ikusiz.

Eta honaino iritsita atzo irakurri nuen zalantza bat nire egingo dut. Ez ote gara ari gizarte bezala sustatzen duguna orain gaitzesten?

Artikulu hau Tolosaldeko Atarian argitaratu da eta CC-by-sa lizentziari esker ekarri dugu ARGIAra.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude