Ez da nire tragedia

  • Aurreko batean, tabernan nengoela, egunkari bateko azalean argazki bat ikusi nuen, Notre Dame katedrala sutan erakusten zuena. Barreari eutsi behar izan nion. Gehienek ez bezala, katedrala Eliza Katolikoaren krimenei eskainitako monumentutzat daukat: adingabeen abusu antolatua, gizarte patriarkala iraunarazteko ahaleginak, talde minoritarioei —LGTBQ komunitatea kasu— egindako gizarte-bazterkeria eta txiroen bizkar, gehienbat, bildutako milioika euroko ondasuna. Batzuek altxor arkitektonikotzat dute, baina nahiago dut egitura horrek gizakiarengan izandako eraginari erreparatu eta ez horren asmo handinahiei, hain gutxitan egikaritu direnak.


2019ko maiatzaren 28an - 09:05
François-Henri Pinault, munduko pertsonarik aberatsenetako bat

Esanak esan, Eliza Katolikoak berreraiki nahi badu, hor konpon. Erabat gaitzesgarria da, ordea, arrapaladan azaldu den ustezko ongile berekoien aldra, “tragediaz” beren interesen alde baliatzeko prest. Frantziako zenbait multimilioidun arin baino arinago hasi dira obretarako milioika euro ematen eta pareko bizkortasunarekin iradoki dute haien donazioek %90eko zerga-desgrabazioa izatea. “Beste inon zoriondu egingo gintuzkete”, diote, baina egiatan azpijoko doilor hutsetan dabiltza, dirua irabazten eta beren irudi publikoa zuritzen gainerakoen kontura. Negozioak, ohi bezala.

Pinault jaunaren 200 milioi euroko donazioak %90eko desgrabazioa jasoko balu, Frantziako gobernuak ez lituzke zergetako 180 milioi euro bilduko. Alegia, Frantziako gobernua behartuta egongo litzateke Eliza Katolikoari, zergarik ordaintzen ez duen erakunde ezin aberatsagoari, 180 milioi ematera. Aldi berean, Pinault jauna ongile publikotzat agertuko litzateke jendaurrean.

Egungo munduan, aberatsak inoiz baino ondasun gehiagoren jabe dira; legalki ala ez, zergarik ez ordaintzea lortu ohi dute eta beren burua planetaren salbatzailetzat jotzen dute guri papur batzuk uzteagatik. Sutea eta egun bat geroago, ia mila milioi euro biltzea lortu dute. Teilatu bat konpontzeko.

Gertaera horrek erakusten digu zein erraza litzatekeen egungo arazoak konpontzea, aberatsek egiazki nahiko balute. Pinaultek berak kalean ongi etorriak liratekeen 26 mila milioi euro ditu. Ez ditu inoiz banatuko, noski. Kontua da jende horrek ahal bai, baina ez duela inoiz ere itzuliko bildutako diru guztia. Diru hori nahi badugu, kendu egin beharko diegu. Ez dirudi gobernua horretarako prest dagoenik, baina agian jaka horiak gai izango al dira? Frantzian, haiek dira gizartearen benetako tragediei erreparatzen ari zaizkien bakarrak eta, argi eta garbi, eliza-gabezia ez da tragedia horietako bat.

Artikuluaren itzulpena: Diego Pallés Lapuente

 

 


Kanal honetatik interesatuko zaizu: Eliza Katolikoa
2024-05-16 | Aiaraldea
Moja klaratarrek Eliza utzi dute, Urduñako komentua erostea eragotzi dietelako, eta eskuin muturreko sekta batera batu dira

Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]


Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Juan Maria Uriarte hil da, Donostiako gotzain emeritua

Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.


Eguneraketa berriak daude