Eusko Legebiltzarra inguratu dute "benetako burujabetza" aldarrikatzeko

  • Ehun mugimenduak deituta dozenaka lagun bildu da Gasteizen, Eusko Legebiltzarraren inguruan, koloretako kea zabaldu eta euskal errepublikaren alde egiteko.


2020ko urriaren 22an - 14:35
Dozenaka lagunek inguratu dute EAEko parlamentua Gasteizen (arg.: Ehun mugimendua)

Legebiltzar barruan osoko bilkura ospatzen ari zirela, ostegun eguerdiko 12:00etan makina bat lagun bildu da eraikinaren atarian eta distantziak mantenduz inguratu egin dute koloretako kea zabaltzen zuten bitartean. Beste batzuek Felipe VI Espainiako Erregearen irudia hankaz gora jarri dute eta musikarekin girotu dute momentua. Ekintza ikusgarri horrekin Gernikako Autonomia Estatutuak "eman zezakeen guztia" eman duela aldarrikatu dute. Hain justu laster beteko dira 41 urte estatutu hori onartu zela.

Ehun euskal errepublikaren aldeko mugimenduak antolatu du mobilizazioa eta bere bozeramaile Unai Apaolaza eta Ainhoa Gutierrezek hitz egin dute Eusko Legebiltzar atarian. Euren esanetan halako estatutuek eta marko autonomiko espainiarrak etorkizun "ilunago bat" baino ez dute eskaintzen eta burujabetzarako "giltzarrapo" bat dira: "Horregatik, gaur eta hemen, benetako burujabetza behar dugu", aldarrikatu dute.

Apaolazak azaldu duenez, soilik burujabetza horren bidez lortuko da etorkizunean bizi baldintzak hobetzea eta horretarako ezinbesteko erreminta Euskal Errepublika da bere ustez: "Errepublika propio bat da krisiak gure bizitzetatik erausteko tresna".

 


Kanal honetatik interesatuko zaizu: Burujabetza
‘Hamarreko bitxia’ ipuin liburu kolektiboa argitaratu du Udalbiltzak

Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.


2023-12-07 | Kronika
Energia bulegoa ireki da Hernaniko Burujabetzen Etxean, Iturolan

Herritarrei eta Hernaniko enpresei energia aholkularitza eskainiko die.


2023-12-06 | ARGIA
Gaur, abenduak 6, ARGIAn lanean ari gara normaltasunez

Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.


Ekonomialari Euskaldunen III. Biltzarra egingo dute Gasteizen: ura, elikagaiak, energia, garraioa, klima...

Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]


Eguneraketa berriak daude