Eusko Jaurlaritzak azala berritu du
Urkulluk gidatuko duen gobernu berriak hainbat aldaketa ditu, bai sailburuei dagokionez, bai antolakuntza arloan. Murga eta Uriarte kanpoan geratu dira, Arriola Jaurlaritzan mantentzen da. Sei sailburu gizonezkoak dira eta bost emakumezkoak. Sailburu elebakarren kopuruak hirutik bira egin du.
EAJ eta PSEren arteko gobernu formula zaharra mantentzen du asteburuan aurkeztu den Eusko Jaurlaritza berria. Gobernuaren osaera ez ezik, politika egiteko moduak eta norabidea mantentzeko asmoan berretsi da Jaurlaritza egunotan. Aldiz, aldaketa esanguratsuak daude bai sailburuen izenetan, bai Jaurlaritzaren antolaketari dagokionez
Heldu direnak eta badoazenak
Jaurlaritza 11 sailetan banatuta dago, eta bost sailburu berri ditu: Idoia Mendia, bigarren lehendakariorde eta Lan eta Enplegu sailburua; Gotzone Sagardui, Osasun sailburu; Jokin Bildarratz, Hezkuntza sailburu; Olatz Garamendi, Gobernantza eta Autogobernu sailburu; eta Javier Hurtado, Turismo, Merkataritza eta Kontsumo Sailburu. Heldu berriei beste bost sailburu ohik egin diete leku: Hezkuntza sailburu ohi Cristina Uriartek, Turismo sailburu ohi Jose Antonio Retortillok; Segurtasun Sailburu ohi Estefania Beltran de Herediak (Madrileko Senatuan ariko da Beltrán de Heredia), Osasun Sailburu ohi Nekane Murgak; eta Lan eta Justizia sailburu ohi Maria Jesús San Josék. Zortzi sail EAJren esku daude, eta hiru PSErenean, baina PSEk kudeatuko duen diru kopurua nabarmen igo da.
Hezkuntza, osasuna, ingurumena
Politikoki esanguratsua da Hezkuntza eta Osasun sailetako arduradun nagusiak aldatu izana. Murgaren zein Uriarteren jardunak kritika ugari jaso du azken hilabeteetan, eta bien irudia nabarmen desgastatu da. Jaurlaritza berria ezagutu aurretik zabaldu zen PSEko Iñaki Arriola ere Jaurlaritzatik aterako zuela EAJk Zaldibarreko zabortegiaren krisiaren ondorioz. Ingurumen sailburu izateari utzi dio Arriolak, baina sailburu izaten jarraituko du, Lurralde Plangintza, Etxebizitza eta Garraioetako Saila gidatuz.
Sail garrantzitsuen arduran mantenduko direnei dagokionez, Arantxa Tapia eta Pedro Aspiazu dira nabarmentzekoak. Azpiazuk Ekonomia eta Ogasun Sailaren buru jarraitzen du, eta Tapia Ekonomiaren Garapena, Jasangarritasuna eta Ingurumen sailburu izendatu du Urkulluk.
Erkoreka eta Mendia
Urkulluren ondotik Erkoreka da Jaurlaritza berrian aginte handieneko pertsona: lehen lehendakariorde eta Segurtasun sailburu da. Jaurlaritzaren bozeramaile izateari utziko dio, aldiz, Kultura eta Hizkuntza Politika sailburu bezala jarraitzen duen Bingen Zupiriak hartu duen ardura. Bigarren lehendakariordetza Idoia Mendiarentzat da, gobernua osatzeko EAJ eta PSE arteko negoziazioen ondorioz.
PSEk bezala Mendiak pisu politikoa irabazi du Jaurlaritzaren berritzearekin. Lehendakariorde bigarrena izateaz gain, aurreko legegintzaldian bi sailetan banatuta zeuden ardurak hartu ditu Lan eta Enplegu Saileko sailburu bezala.
Euskara eta parekidetasuna
Iragan Jaurlaritzan hiru ziren euskaraz ez zekiten sailburuak, eta osatu berrian bi dira: Beatriz Artolazabal jeltzalea eta Javier Hurtado sozialista. Genero parekidetasunari dagokionez, 11 sailburuetatik sei gizonezkoak dira, eta bost emakumezkoak.
Memoria eta bizikidetza
Sailetan eta sailburuetan ez ezik, Lehendakaritzan ere badira aldaketak. Orain arte Aintzane Zenarrok gidatu duen Gogora Institutua eta Jonan Fernández buru zuen Bake eta Bizikidetza Idazkaritza Berdintasuna, Justizia eta Gizarte Politiketako Sailera pasa dira, Beatriz Artozabal sailburuaren ardurapean. Beste horrenbeste gertatu da Emakunderekin, Izaskun Landaidak gidatu duena aurreko legegintzaldian.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Eusko Jaurlaritzaren Familia, Haur eta Nerabeen V. plana aurkeztu du Nerea Melgosa sailburuak asteazkenean. Hamazazpi "trakzio-neurri berritzaile" jaso ditu planak, baina ez dute zehaztu noiz jarriko diren indarrean.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]