Euskarazko ingurune digitala: lan handia eginda, asko dago egiteko

  • Interes komunak izaki, elkarlanean hainbat proiektu sustatzea adostu dute Azkue Fundazioak eta Euskal Wikilarien Elkarteak. Gaur bi erakundeen arteko lankidetza-hitzarmenaren sinadura ekitaldia baliatu du URIOLAk Interneten euskarak duen presentziari buruz eta euskal hiztunen komunitateak Interneten dituen erronkei buruz galdetzeko bateko eta besteko ordezkariei.

Uriola.eus @uriolaeus
2017ko irailaren 08a

Ingurune digitalaren garapenean lanean ari dira bai Azkue Fundazioa bai Euskal Wikilarien Elkartea. "Helburu komun asko" dituztela eta, elkarlanean aritzea erabaki dute aurrerantzean, besteak beste, euskarazko wikipedia sustatzeko, Bizkaian sentsibilizazio kanpainak martxan jartzeko, 10 herritan hitzaldiak antolatzeko edota lau herritan 'herripedia' saioak antolatzeko. 

Bada gehiago ere. Euskarazko sofwarea eta, batik bat librea, sendotzea ere badute jomugan. Horretarako itzulpenak egitea hitzartu dute "euskaraz denon eskura egon dadin jakintza hori ere". Ildo horretan, aurtengo Durangoko Azokara begira, "euskal sortzaileen argazki bilduma aske bat" osatzeko ekimena antolatuko dute.

Aspalditik lanean zebiltzan euskal wikilariak iaz egituratu ziren. Elkarteko presidente Xabier Armendaritzen esanetan Azkue Fundazioarekin gaur sinatutako hitzarmena "sekulako aukera da euskal wikipediaren eta Interneteko beste proiektu batzuen bultzadarako". Finean, elkartearen xedea Interneteko euskal komunitatea zabaltzea eta trinkotzea da, bai jakintza unibertsala bai Euskal Herrikoa euskaraz sortuz.

Azkue Fundazioko Iurdana Acasuso ere ziur dago lankidetzak "ekarpen politak eta oparoak" ekarriko dituela.

Wiki Loves Monuments 

Bost urtetan munduko argazki lehiaketa handiena bihurtu da Wiki Loves Monuments (WLM), eta tarte horretan ondare aitortza eta babesa duten mundu zabaleko 1.700.000 monumenturen argazki libreak bildu ditu. "Kristoren marka da", Galder Gonzalez Euskal Wikipedia Elkarteko kidearen arabera. Lehiaketako partaideei esker "guztiona den ondarearen argazkiak egin eta lizentzia librepean argitaratu dira, eta orain material guzti hori partekatzeko aukera dago". 

Lehiaketa gurera ekarri nahian, lehengo aldiz Wiki Loves Monuments lehiaketa Euskal Herrian antolatu du Euskal Wikilarien Elkarteak. Ipar eta hego Euskal Herrian ondare izendapena duten monumentuei argazkiak egitea da lehiaketaren funtsa. Eraikin zehatz batzuk ez ezik Bilboko Alde Zahar osoak edota Done Jakue bideak ere badute ondare izendapena. Asko dira esateko Iparraldean ondare izendapena duten eraikinak. Lehiaketak "gure hiri eta herriak berrezagutzeko" aukera ere ematen du.

Bi profesionalek osatutako epaimahaiak irailean zehar lehiaketara aurkezten diren argazkien artean Bilboko, Bizkaiko eta Euskal Herriko argazkirik onenak sarituko ditu.

Euskara Interneten: diagnostikoa eta erronkak

Beste hizkuntza gutxitu batzuekin alderatuta, euskararen egoera Interneten "ona" dela nabarmentzen dute Armendaritz, Acasuso eta Gonzalezek. Esaterako, galegoarekin konparatuz gero. Hiztun gutxiago izanik askoz presentzia handiagoa du euskarak sarean. Armendaritzen arabera "euskaldunok Internetera ez gara berandu iritsi", beste esparru batzuetara ez bezala. Azken urteotan "lan asko" egin da hiru adituen aburuz, eta aurrerantzean "asko dago egiteko", esparru guztietan gainera. Zentzu horretan, norbanakoek, eragileek eta erakundeek erronka handia dute aurretik. 

Artikulu hau Bilboko Uriolak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Internet  |  Euskara  |  Teknologia berriak

Internet kanaletik interesatuko zaizu...
Amazonen infanteria iritsi da Frantziako literatur sistemaren azken gotorlekura

Irail honen hasierakoa da notizia: Amazonen autopublikatutako liburu bat Frantziako Renaudot sariko finalisten artean dago. Marco Koskas idazlearen Bande de Français da nobela eta lehenbiziko aldia da plataforma horren bidez publikatutako lan batek Frantziako Estatuko sari literario garrantzitsuenetako bat irabazteko aukera daukana.


Europako Parlamentuak egile-eskubideak zorrotzago babesteko urratsa eman du

Parlamentuak onartutako lege proposamena Batzordeak eta Kontseiluak onartu behar dute aurrera atera dadin.


2018-09-05 | ARGIA
Wikileaks-en sortzaileetako baten desagerpena salatu dute

Norvegiako poliziak ikerketa abiatu du Arjen Kamphuis-en desagerpenaren berri izan ostean. Azken urteetan mundu osoko botere ekonomiko eta politikoek ezkutuan zeuzkaten dokumentuak sareratzeagatik ezaguna egin den Wikileaks atariaren sortzaileetako bat da.


2018-07-18 | Nahia Ibarzabal
Googleri inoizko zigorrik handiena ezarri dio Bruselak

Europar Batzordeak 4.340 milioi euroko isunarekin zigortu du multinazional estatubatuarra, Android sistema eragilearekin oker jokatzeagatik.


2018-07-17 | ARGIA
Amazonen milaka langile greban daude salmentarik handieneko 'Prime Day' egunetan

Amazon banaketa konpainiaren Europako milaka langile greban daude gaur enpresak 'Prime Day' promozio bereziko egunak ospatzen dituela aprobetxatuz. Liburu eta diskoetatik hasita edonolako kontsumo gaien banaketa eta komertzializazioa kasik monopolizatu duen Amazoneko langileek soldaten igoera eta lan baldintzen hobetzea eskatzen dute.


2018-07-09 | ARGIA
Alemaniako poliziak hainbat aktibistaren datuak konfiskatu ditu

Anonimatu elektronikoaren aldeko aktibismoan giltzarri den Zwiebelfreunde elkarteari material informatikoa eta dokumentazio fiskala konfiskatu dizkio poliziak, hainbat ekintzaile eta proiektu sustatzaileren datuak eskuratuz.


2018-07-05 | ARGIA
Interneteko edukiei galbahea jartzeari buruzko erabakia irailera atzeratu du Europak

Sare sozialetan izandako kritiken ostean, Europar Parlamentuak atzera bota du egile eskubideen inguruko zuzentaraua erreformatzeko egindako proposamena eta irailera atzeratu ditu testuaren inguruko negoziazioak.


2018-07-04 | ARGIA
Interneteko askatasuna, arriskuan

Europar Batasunak egile eskubideei buruzko proposamena bozkatuko du ostegun honetan. Onartzen bada, gaur egun ezagutzen dugun internet irekiari kalte handia egingo diola salatu du Wikipediak. Hain juxtu, Wikipedia bera arriskuan legoke.


'Egunean', lehen euskarazko CC lizentziadun albiste sindikatzailea

Iametza interaktiboak, Ametzagaiña taldearekin batera, garatu du Egunean, irakurlea aktualitateari buruz egunean egoteko. Creative Commons lizentziapean zabaltzen diren edukiak soilik kontuan hartzea erabaki dugu, modu honetara zabalkunderako lizentzia hautu hori egiten duten hedabideak saritzeaz gain, informazioaren demokratizazioa bultzatzen dugu, egile eskubideekin egon daitezkeen arazoak saihestuz.


Internet zelatatzeko erabiltzen diren AEBetako zortzi eraikin sekretu identifikatu dituzte

Zelata masiborako erabiltzen ziren zortzi eraikin identifikatu ditu The Intercept hedabideak. "Bijilantziari buruz azken urteetako konturik garrantzitsuena oraintxe argitaratu da, bertan argitu dute AT&T enpresa bilakatu dela interneten etsairik handiena, bere bezeroen eta zure pribatutasunaren aurka sekretuan kolaboratuz", Edward Snowdenen hitzetan.


Eguneraketa berriak daude