Euskaraz eta arabiarrez bertsotan ibili dira Iruñean
Nafarroako Unibertsitateko Kultur eta Gizarte Institutuak eta Mintzola Ahozko Lantegiak antolatutako kanta ezan eta kantatuko dinat izeneko saioan inprobisazio lanetan aritu dira astelehenean Lujanbio bertsolaria eta Laaroussia ayllus kantaerako inprobizatzailea.
Maialen Lujanbio bertsotan eta Latiffa Laaroussia ayllus adierazpidean aritu dira Iruñeko emanaldi batean. Errusiako ikerlari bat ere bertan egon da Euskarazko bertsogintza eta arabierazkoa alderatzen ari delako.
Ayllus adierazpidea, Maroko iparraldean mendiko emakumeek duten ohitura zahar bar da. “Gu mendura joaten garenean, lanera, ilaran jartzen gara, harea biltzeko eta lehenengo kokatuta dagoenak bertso bat abesten du”, adierazi du Latiffak Berrian Ane Eslavak egindako elkarrizketa batean. Aldiz, gizonen adierazpidea taqtoqa da eta gerra garaian komunikatzeko erabiltzen zuten. http://Elkarrizketa osorik: https://www.berria.eus/paperekoa/1781/031/001/2018-06-12/borroka_egin_behar_izan_genuen_gizonekin_abestu_ahal_izateko.htm
Ahozko inprobisazioak Marokon garrantzi handia du, “iparraldean oso garrantzitsua da, baina orain herrialde guztira zabaltzen ari da” dio Latiffak.
Marokoarrak ez daki irakurtzen eta idazten, bai ordea inprobisatzen, “abestiak bakarrik ateratzen zaizkit”. Ayllusa emakumeek emakumeen aurrean abesten dute “arabiar emakumeok ezin dugulako gizonen aurrean abestu”. Diskoak argitaratu ditu eta garai batean “nire anaiek hil egin nahi ninduten”.
Gizonezkoen Taqtoga ikastetxeetan ikasi daiteke, ez ordea ayllusa, “nik eskoletan irakatsi nahi dut, haur askok ez dutelako inongo loturarik mendiarekin”.
Ez zuen bertsolaritza ezagutzen baina “Maialen Lujanbioren bideo bat erakutsi zidatenean, hark nola abesten zuen entzun nuen, eta zoragarria iruditu zitzaidan; ayllusaren antz pixka bat badu”.
Azaroaren 1ean Agoitzen jokatuko den finalaurrekorako txartel zuzena eskuratu du Etxarri Aranatzeko bertsolariak. 120 bat bertsozale bildu dira Aurizko Kultur Etxean, txapelketako lehen saioa bertatik bertara jarraitzeko.
Mungiako Olalde aretoan jokatu da Bizkaiko Bertsolari Txapelketako lehenengo faseko hirugarren saioa. Saioa irabaztearekin bat, finalaurrekoetara sailkatu da Mendiburu.
24 bertsolarirekin ekingo dio bideari Nafarroako Bertsolari Txapelketak. Auritzen izango da, urriaren 4an; eta, lehen aldiz, Nafarroa Arenan izango da finala, azaroaren 29an. Saio guztietarako sarrerak salgai daude dagoeneko, Bertso Sarrerak atarian.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]