Euskaraz mintzo naizenean, Delhiko aldirietan oinutsik dabilen haurra mintzo da nire ahotik; bi haur eta maleta bakarra eskuetan hartuta etxetik bota duten ama; neska-lagunari ezpainak jan dizkion neska; mutil-lagunaren sabelpea miaztu duen mutila; pankarta bati helduta fabrikako atarian dauden buzo urdindunak; balaz zauritutako Baltimoreko gazte afroamerikarra eta berak ondutako tabakoz eginiko purua zeru urdinari begira erretzen ari den kubatarra ere nire ahotik mintzo da euskaraz ari naizenean; Amazonia ertzean kautxu fabrikek etxe gabe utzitako katagorria eta artikoan urtzen ari den izeberg galdu baten muturrari hatzaparrekin heltzen dion hartz zuria; hutsik zegoen etxe bateko hormak spray koloretsuz margotu eta balkoian izarak banderak bailiran zintzilikatu dituen Bartzelonako okupa; izarrei begiratzen irakatsi ziguten maiak eta lurrari ez begiratzen ikasi genien amazighak mintzo dira nire ahotik euskaraz ari naizenean; Kobane askatu zuten kurduak eta iraultza asmatu zuten langileak; maiatzaren 1ean kaleak betetzen dituztenak; Che, Galeano, Simone de Beauvoir, Marx, Frida, Picasso, Evo, Eva, Graziana, Bobby Sands, Martin Luther King, Mandela mintzo dira nire ahotik euskaraz ari naizenean; euskaraz aritzea, epaileak erdaraz mintzo diren garaiotan, justiziaz aritzea baita.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.