Euskararen Erakunde Publikoak, Nafarroako Gobernuak eta Eusko Jaurlaritzak helduen euskalduntzerako elkarlana berretsi dute

  • Euskararen Erakunde Publikoak (EEP), Nafarroako Gobernuak eta Eusko Jaurlaritzak Hiruko Ituna delakoa indartzeko konpromisoa berretsi dute. Hizkuntza politika gaietan lankidetzan ari dira azken urteetan eta halaxe segituko dutela baieztatu dute.

ARGIA @argia
2019ko apirilaren 17a
Be˝at Arrabit, Ana Ollo eta Bingen Zupiria hurrenez hurren, Baionan.

Hiru erakundeek 2017an sinatu zuten Hiruko Ituna akordioari eranskin bat gehitu diote apirilaren 15ean Baionan. Lankidetza akordio horren arabera, besteak beste, helduen euskalduntzea eta hizkuntza gaitasuna bermatzeko lanean arituko omen dira hiru erakundeak batuta.

Eusko Jaurlaritzako Kultura eta Hizkuntza Politikako sailburu Bingen Zupiriak, Nafarroako Gobernuko Herritarrekiko eta Administrazioekiko Harremanetako kontseilari Ana Ollok eta Euskararen Erakunde Publikoko presidente Beñat Arrabitek 2017ko uztailaren 3an Iruñean sinatutako Hiruko Itunaren eraginez, erakundeen arteko “egundainoko elkarlanik eraginkorrena” garatzen ari dela adierazi dute.

Hiruko Ituna berretsiarekin batera, Frantziako Lurralde Kohesiorako eta Tokiko Kolektibitateekiko harremanetarako ministro Jacqueline Gouraultek “eskola publikoetako ama-eskoletan murgiltze ereduaren garatzea ez zela legezkoa” esaldia desegokitzat jo dute eta murgiltze eredua tinko defendatuko dutela aditzera eman ere.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara Ipar EHn  |  Euskara Nafarroan  |  EAE

Euskara Ipar EHn kanaletik interesatuko zaizu...
Azkenak
EGILEA
Eguneraketa berriak daude