ARGIA.eus

2020ko abuztuaren 12a

Euskal pentsiodunek adinekoen egoitzetan "eskubide urraketa posibleak" aztertzeko eskatu diote Arartekoari

  • Adinekoen egoitzen, eguneko unitateen eta etxez-etxeko laguntza zerbitzuen inguruan informazioa biltzen duen idazki bat banatu du Pentsiodunen Mugimenduak.

Mikel Eizagirre
2020ko uztailaren 30a

Euskal Autonomia Erkidegoko Pentsiodunen Mugimenduko ordezkariek Arartekoko kideekin hitz egin dute uztailaren 29an, eta erakundeari eskatu diote iritzia eman dezala "adineko pertsonentzako egoitzetan egon daitezkeen eskubideen urraketei buruz", COVID-19 pandemiaren harira.

Pentsiodunen kolektiboek azaldu dutenez, bilera horretan adinekoen egoitzetako egoerari buruzko hainbat datu biltzen dituen idazki bat banatu dute, baina eguneko unitateetan eta etxez etxeko laguntza zerbitzuen inguruan ere mintzo dela aitortu dute. Arartekoari eskatu diotenez "eskubideak urratuz gero, eman ditzala beharrezkoak diren ebazpenak, tartean diren administrazioek jarraitutako politika publikoen egokitasuna diagnostikatzeko eta, hala badagokio, dagokion txostena egiteko".

Halaber, erakunde horrek "2019ko uztaileko Egoitzen Dekretua betetzen dela egiaztatzeko egin beharreko ikuskapen-bisitak" egitea proposatu dute, "are gehiago pairatzen diren antzeko egoerak erreproduzitzen badira".

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Adinekoen zaintza kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude