[09:30] Jardunaldiak antolatu ditu Ikastolen Elkarteak azaroaren 25erako, EHUren Bilboko paraninfoan. “Hezkuntza, legez eta bidez” izenburupean, hezkuntza-legeen inguruan hausnartuko dute bertaratzen direnek.

LOMCE, Heziberri 2020, Nafarroako Euskararen Legearen aldaketa edota Ipar Euskal Herriko ikastolen aurkako erasoak kontuan hartuta, euskal hezkuntza egoera berezian dagoela uste du Ikastolen Elkarteak.

Horregatik, legea izan nahi dute hizpide astearteko topaketetan. Hezkuntza zerbitzu publikoaren eta prozesuaren beraren inguruan gogoeta egingo dute, hausnarketa hau “ezinbestekoa” dela iruditzen baitzaio Elkarteari.

EGITARAUA

10:00 – 10:30 TOPAKETEN aurkezpena

10:30 – 11:45 ADRIAN ZELAIAren hitzaldia. Zerbitzu publikoaren definizioa (zerbitzu ikuspegia, sozietarioa)

11:45 - 12:00 Atsedena

12:00 – 13:30 SANTI MERINOren hitzaldia. Zerbitzu publikoa (lege-ikuspegia)

13:30 Bazkaria

15:30 – 17:30 FRANCESC COLOMÉren hitzaldia. Lege bat egiteko prozesua: eredu bat (Kataluniako Hezkuntza Legea, 2009)

17:30  IKASTOLEN ELKARTEAren jarrera