Euskal Herriko Neska* Gazteek Usurbilen egingo dute urriko Baterajotzea, greba orokor feministarako antolatzeko
Urriaren 13, 14 eta 15erako deitu dituzte neska* gazteak, Utopiak lehertzeraino lelopean, grebari ikuspegi propioa emateko eta artikulatzeko. Asteartean aurkeztu dute aurtengo Baterajotzea, eta azpimarratu dute sistema kapitalista zisheteropatriarkala iraultzeko proposamenak kolektibizatzeko baliatuko dituztela egun horiek. Zaintza sistema errotik aldatzeko beharra berretsi dute.
aurre egingo dieten hedabide independenteak
Udazkenerako iragarri zuen Mugimendu Feministak greba orokor feminista, eta asteartean, Euskal Herriko Neska* Gazteek jakinarazi dute horri ikuskera eta proposamen propioak emateko Baterajotzea antolatu dutela urriaren 13, 14 eta 15erako, Usurbilen. Gazte feministentzat espazio bat sortu nahi izan dute: “Dugun potentzialtasuna artikulatu, norabidetu eta nola kristalizatu erabakitzeko".
Grebaren aurrean euren behar eta proposamenei tokia egin nahi diete: “Mundu ikuskera propioa zabaldu dezagun eta iritzi sortzaile izan gaitezen”, zehaztu dute. Mugimendu Feministaren irakurketarekin bat eginez, zaintza sistema errotik aldatzean jarri dute azpimarra, eta iraultza feminista aldarrikatu dute: “Sistema kapitalista zisheteropatriarkala iraultzeko proposamenak irudikatu eta artikulatzera, hausturak kolektiboki antolatzera eta utopiak lehertzera gatoz”, nabarmendu dute Baterajotzearen aurkezpenean.
Mugimendu Feministaren azken urteetako “mobilizazio gaitasun ikaragarria” goraipatu dute, eta datorren greba ere bide beretik doala baieztatu: “Antolatzen gabiltzan greba honek izango duen potentzialtasunaz eta eztanda gaitasunaz baliatuko gara errotiko aldaketak eragin eta exijitzeko”. “Utopia propioak” eraikitzeko unea dela aldarrikatu dute eta “ezkutatu nahi duten gerra” ikusaraziko dutela nabarmendu, iraultza feminista eginda.
Zaintza lanek esplotatuta
“Krisi anizkoitzaren erpinetako bakoitza zorroztu” den garaiotan, neska* gazteek ohartarazi dute zaintza lanen pribatizazio eta merkantilizazioan sakondu dutela enpresek, erakunde publikoek eta gizonek. Zaintza lanen eremua esplotazio eremu sexualizatu eta arrazializatua dela salatu dute eta horri aurre egitera deitu: “Esplotazio egoeran inposatzen diren zaintza-lanei planto egingo diegu”.
Hain zuzen, "sistema kapitalista zisheteropatriarkal kolonialak bizirauteko beharrezko tresna" gisa definitu dituzte emakumeen zaintza lanak eta haien merkantilizazioa: “Gure gorputzen esplotazioari esker produzitu eta erreproduzitzen da”.
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]