Euskal hedabide ez publikoetako Interneteko audientzia gora doa etengabe eta %60 igo da azken bi urteotan Hekimen elkarteak jakinarazi duenez.
Sesioei erreparatuz gero, joan den maiatzean inoizko kopuru altuena lortu zuten Hekimen elkarteko kide diren euskarazko webguneek: 1.810.000 bisitatik gora. Beste hainbeste esan liteke erabiltzaile kopuruari dagokionez —alegia, zenbat erabiltzaile ezberdin sartu ziren webguneetan— eta orriei dagokienez ere —bisita batean bisitatzen diren orri kopuruak—: lau milioitik gora.
Aurtengo lehen seihilekoaren datuei begiratuta, berriz, esan behar da igoera are handiagoa aurreikusten dela aurten, aurreko urteko %15 inguruko igoeren ordez %40 inguruko igoera bat iragartzen baitute datuek. 2015eko maiatzean bildu zuten Hekimeneko webguneek inoizko bisita gehien: 1.810.837 hain zuzen ere.
Horrek esan nahi du Hekimeneko webguneetan gero eta denbora gehiago ematen dutela euskal kontsumitzaileek, nahiz eta bisiten batez besteko iraupena jaisten ari den. 2011. urtean 6 minutu inguruko bisitak egiten zituzten kontsumitzaileek, eta 2015eko lehen seihilekoan 4 minutu ingurukoak izan dira, batez beste.
Hekimen Analytics, sektoreko jarduera aztertzeko
Datu hauek guztiak herri ekimeneko euskal hedabideen elkarteak martxan jarri duen Hekimen Analytics proiektuak bildu ditu. Hekimen Analytics euskal hedabideen sareko jarduna ezagutzeko eta aztertzeko tresna da, Gipuzkoako Foru Aldundiaren eta Udalbiltzaren diru laguntzei esker elkarteak aurrera eraman eta CodeSyntax enpresak garatu duena.
Aurten bertan martxan jarri da. Haren bidez, Euskal Herri osoko eta euskarri guztietako berrogeita sei webguneren emaitzak jasotzen dira. Tresnak aukera ematen du hedabide bakoitzaren kopuruak ez ezik elkartea osatzen duten hedabide guztiek metatutako datuak ere ezagutu ahal izateko; halaber, webguneen artean alderaketak egiteko.
Denera, hogeita hamar aldagai baino gehiago kontuan hartu dira, horien artean sesioak, erabiltzaileak, orriak, bisiten iraupena edo Twitterreko jarraitzaileen jarduna.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak