Badator Bizi Baratzea Orria, ARGIAren aldizkari berri eta berezia
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste irakurgaiekin egingo dugu topo. Lehen zenbakian polinizazioaren gaia ilustratuko du posterrak eta aldizkarian beste eduki hauek ere aurkituko ditugu: intsektuen galera, kukuen ugalketa, ardi-moztaileak eta artilearen aprobetxamendua eta zer egin udaberrian baratzean, basoan, sendabelarrekin eta haziekin. Bizi Baratzeako edo ARGIAko kide direnek jasoko dute aldizkaria etxean.
Lurrari begiratzen diogun naturzale eta baratzezainok badugu orain urtaro bakoitzean paperean gozatzeko aldizkari berria: Bizi Baratzea Orria. Aurten 10 urte betetzen dira ARGIAk Bizi Baratzea proiektuari ekin zionetik eta urte hauetan zehar ildo horretan argitaratu dituen liburu, bizibaratzea.eus webgune, buletin, Ilargia eta Landareak agenda, Telegram kanal eta Egonarria eta Menda Bikoitza podcastei esker, milaka herritarrengana iritsi da Bizi Baratzea, eta komunitate horrengan pentsatuta sortu da Bizi Baratzea Orria.
Bide horretan harremanak ere zabaldu dira: egun Bizi Baratzea proiektua 24 kolaboratzaile kualifikatuko sareak elikatzen du eta agroekologia mugimenduko eragileekin lankidetzan dihardu.
Zer ekarriko du Bizi Baratzea Orriak?
Urtaroa hastearekin batera iritsiko da etxera Bizi Baratzea Orria. Aurtengo lau urtaroen azalak Ione Larrañaga Gorritxok egingo ditu. Hosto berriei eta intsektuei eskaini die lehenengoa, udaberrikoa.
Aldizkaria zabalduta, urtaro horretan ilargiaren arabera baratzean zer egin azalduko du Jakoba Errekondok, basoan zer egin Markel Arriolabengoak, sendabelarrekin zer egin Garbiñe Larreak eta haziekin zer egin Kelo Arribasek.
Aldizkariari tolesdura bat irekita, barruan aurkituko ditugu garaian garaiko gaiei buruzko elkarrizketak eta artikuluak. Oraingoan, ardi-moztaileei buruzko erreportajea aurkituko dugu ezkerreko orrian, eta intsektuak agertuko zaizkigu eskuinekoan: Mattin Jauregik azaldu ditu askatasuna galdu duen erle eztigileak bizitzeko dituen sei arazoak. Erreferentziek, infografiek, esaera zaharrek eta ilustrazio zein argazkiek jantziko dituzte aktualitateko gai hauek.
Orria erabat zabalduta, alde osoa hartzen duen poster handi bat izango dugu urtaro bakoitzean. Lehen aldizkari honetan polinizazioari eskainia da posterra: Jakoba Errekondok landu ditu edukiak eta Ione Larrañagak egin du ilustrazioa.
Aldizkaria bizidun bati buruzko hainbat erreferentziak itxiko dute, kasu honetan, udaberriarekin lotzen dugun kukua izango da protagonista.
Jasotzeko zer egin behar da?
Duela 10 urte Bizi Baratzea proiektua sortu zenetik gaur arte, ARGIA komunitateak eutsi dio proiektuari eta haiei esker daude Bizi Baratzeako edukiak sarean libre. Horregatik, Bizi Baratzea Orria etxean jasoko dute ARGIAko kideek urtaro bakoitzean, hilabeteko azken astekariarekin batera: lehen zenbakia, udaberriari dagokiona, martxoaren 30eko astekariarekin batera iritsiko da. Gainerakoei bi aukera zabaldu zaizkie, Bizi Baratzea Orria jasotzeko eta proiektua sostengatzeko: Bizi Baratzea komunitateko kide egitea edo ARGIAkoa egitea: www.eginbizibaratzea.eus webgunean daude argibide guztiak.
Lurra bizigarri eta eguneroko bizitza gozagarri egin nahi badituzu, batu Bizi Baratzea komunitatera edo egin ARGIAkoa.
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eolikoaren kontrako protesta izan zen.
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Magnoliak eleganteak dira. Dotoreak. Anddereak. Pontxoak. Apainak. Pimentak. Gurbilak. Ponposak, ponpoxearrenak. Ortiroak. Ia-ia fazazkoak, kriket eta kraket. Ez naiz harritzen, beren loraldien azpian lurrarekin urtzerainoko handitasunaren menpeko sentitzen naiz urtero.
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Antxoa, bokarta edo albokartia, gure arrain komertzialen artean txikiena, euskal kostaldera hurbildu da.
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Petrolio-ontzi batek eta zamaontzi batek elkar jo dute astelehen goizean Ipar Itsasoan, Ingalaterrako ipar-ekialdean. Talkak Jet-A1 erregaia zuen petrolio-ontziaren tanke bat apurtu du eta kezka da nagusi, izan ditzakeen ondorio ekologikoengatik.