ARGIA.eus

2020ko maiatzaren 26a

Europako herrien autodeterminazioa eskatuko dute martxoaren 30ean Bruselan

Gorka Bereziartua Mitxelena @gorka_bm
2014ko martxoaren 19a
Manifestazioa iragartzeko kartel koloretsua egin dute.

Autodeterminazioaren bidez, Europar Batasuneko estatuen baitan dauden independentzia eskaerak modu baketsu eta demokratikoan bideratzeko modua egongo litzatekeela uste dute martxaren antolatzaileek.

Anna Arquék, Europar Herritarren Nazioarteko Batzordearen izenean adierazi du 30eko mobilizazioak Europan “pedagogia” egiteko ere balio dezakeela. Batetik, Batasuneko herritarrek jakin dezaten autodeterminazioaren bidetik independentzia lortu nahi duten herriek nolako zailtasunak bizi dituzten (Kataluniako prozesuan Espainia jartzen ari den trabak aipatu zituen); eta bestetik, herritar horiek berak jabetu daitezen erabakitzeko ahalmena kentzen duten politika horiek ez dietela eragiten independentzia lortu nahi duten herrietako biztanleei bakarrik, EBko herritar guztiei baizik, “euren eskubide demokratikoa baita urratzen dena”.

Manifestazioa babestu dute hainbat herritako alderdiak batzen dituen Europako Aliantza Askeak baita Kataluniako prozesuan protagonista izaten ari diren alderdi nagusiek ere (CDC, ERC, ICV, EUiA eta CUP). Martxa aurkezteko prentsaurrekoan azaldu dutenez, EBko herrien autodeterminazio eskaerak eta Krimean joan den asteburuan egin den erreferendumak “ez dute zerikusirik”.

Informazio gehiago:

Manifestazioak webgunea dauka eta parte hartu nahi dutenek autobusetan izena emateko aukera eskaintzen du, besteak beste.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Erabakitzeko eskubidea kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude