Eukaliptoa, pinua eta antzeko zuhaitz espezie "sukoiak" ez landatzeko gomendatu dio Europak Espainiako Estatuari

  • Baso suteen 2017ko txostenean Europar Batasunak Espainiako Estatuko baso-politika arbuiatu du eta sua erraz hartzen duten arbolen landaketek sortzen duten arriskuaz ohartarazi du; Galizian eta Portugalen izandako eukalipto basoen sute itzelak jarri ditu adibidetzat.

(arg: Wikimedia Commons)

2018ko urriaren 25an - 17:11

Naturkon Gipuzkoako erakunde naturalista eta kontserbazionisten kolektiboak azaldu duenez, irailean argitaraturiko txostenean (ingelesezko bertsioa hemen) Europar Batasunak Espainiako Estatuari eskatzen dio ez landatzeko eukaliptoa, pinua eta antzeko zuhaitz espezie “sukoiak”.

Bruselak dioenez basogintzako teknika “jasanezinek” ekarri dute ekosistema narriatu izana eta halako espezieek gainera “izugarri laguntzen dute sua pizten eta zabaltzen”.

Baso-kudeaketan gehiago inbertitzeko eskatu dio Europak Espainiako Estatuari. Naturkonen arabera, txostenak dioena bat dator Europako Ingurumen komisario Karmenu Vellak baso-suteen inguruan ateratako ondorioekin.


Kanal honetatik interesatuko zaizu: Basoa
2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Basoa berritzen duen langilea

Urtxintxa, burtxintxa, ürtxaintxa, kataburtxintxa, katakutxintxa, katagorria, kattagorria, katamixarra, katamixerra, mixerra... Zenbat izen karraskari arborikola polit honentzat. Izan ere, nork ez du ba ezagutzen katagorria? Bereziki basoetan bizi da, baina gure herri eta... [+]


Basoko arotz mihi-luzea

Basoan barrena oinez joan eta hara, ‘krrukrru-krru’ ozen bat entzun da. Bi aldeetara begiratu... Nor ote? Okil beltza hegan. Ez da hegazti txikia eta kolore beltza du, beleak bezala. Antzeko tamaina eta kolore bera dute bi hegazti horiek, horregatik da agian Sakanan... [+]


Baso jangarria mantentzeko gida

Baso jangarria bizi beharreko basoa da, elkarrizketa bat sortuz, hartu-eman bat. Elkarrizketa horretan, ekintza zehatz batzuk burutzen dira eta basoaren erantzuna jasotzen da bueltan.


Eguneraketa berriak daude