Lizarrako Udalak txosnei jarritako debekuaren aurka protesta egin zuten 27 gazte epaituko dituzte maiatzean
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren 16an elkarretaratzea egingo dute Lizarrako udaletxe aurrean, arratsaldeko 20:00etan.
Herritarren artean aurkako jarrera ugari ekarri zituen erabakia hartu zuen iazko udan Lizarrako Udalak: duela 28 urtetik autobus geltoki aurreko aparkalekuan izan ostean, festetako txosna Ega ibaiaren ondoko Los Llanos parkera lekualdatzea agindu zuen UPN buru duen udal gobernuak. Erabakia gaitzesteko ekintza ugari egin zituzten herritarrek: Raimundo el Canastero musika talde ezagunak Beef D'Alda atera zuen argitara protesta gisa, eta mobilizazioak ere egin zituzten erabakia gaitzesteko.
Mobilizazio horietako batek 2.000 lagun bildu zituen abuztuaren 2an, Lizarrako festetako lehen egunean. Manifestazioaren ostean herriko jaietan urtero egiten den Bajadica del Puy kalejirara bertaratu ziren ehunka manifestari, txosnen lekualdatzearen aurkako aldarrikapenak zabaltzera. Musikariek zein dantzariek aurrera egin zuten betiko moduan, baina udalbatzako zenbait politikariri bidea moztu zieten, eta udaletxera Foruzaingoaren furgoietan joatea erabaki zuten. Bada, asteburuan iritsi dira ekintza horren lehen ondorio judizialak: protesta horretan parte hartu zuten 27 gaztek deklaratu beharko dute epailearen aurrean maiatzaren 22tik 23ra bitartean.
Lizarrako Udaltzaingoak "desordena publikoa" leporatzen diete auzipetuei, eta agerraldia egin dute igandean. Gazteek salatu dute Bajadica del Puy kalejira "erabaki instituzional baten ondorioz" gelditu zela bertan behera. Izan ere, azaldu dutenez historikoki gertatu izan ohi da ehunka gazte kalejirara joatea "euren aldarrikapenak egitera". Beraz, salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa.
Egoeraren erantzuleak gogoan
Gazteek Udaltzaingoak abiatutako auziaren "atzean ezkutatzen den indarkeriaren" zenbait adibide aipatu dituzte, esaterako, "kartzela zigor posibleak, zigor ekonomikoak, prozesu judizialaren ondoriozko kostuak, kriminalizazioa, presio psikologikoa eta abar". Gainera, Lizarrako txosnaren lekualdatzearen harira sortutako egoeraren erantzuleak ere seinalatu dituzte: UPN eta PSN alderdiez gain, Lizarrako Udaltzaingoari, Foruzaingoari eta Guardia Zibilari "27 pertsona zehatz ikertzeko eta seinalatzeko elkarlanean" aritu izana leporatu diete. Diario de Navarra eta OKDiario hedabideei, berriz, Lizarrako Udalak hartutako erabakiaren aurkako "kanpaina kriminalizatzailea" egotzi diete.
Elkarretaratzea egingo dute maiatzaren 16an, Lizarrako udaletxearen aurrean
Epaiketaren harira, Bajadikako 27ak izeneko plataforma sortu dute auzipetuek, eta iragarri dute elkarretaratzea egingo dutela maiatzaren 16an Lizarrako udaletxearen aurrean, arratsaldeko 20:00etan. Prozesua bertan behera uztea exijitu diote agerraldian Udaltzaingoari, udalaren "erabaki autoritarioen" aurkako protestagatik inork ez dezan "ondorio ekonomikorik edo penalik" jasan.
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.