Etxeko langileek protesta egin dute Estatuko Enplegu Zerbitzu Publikoaren Donostiako bulegoen aurrean
Etxeko Langileen Ekintza Politikoko Taldeak deituta, protesta egin dute ostegun goizean hainbat pertsonak, Groseko Estatuko Enplegu Zerbitzu Publikoaren bulegoen aurrean. Espainiako Gobernuak alarma egoera dela eta onartutako subsidioaren ordainketa uztailean bertan egin dezala exijitzeko mobilizatu dira.
Ekintza Politikoko Taldea osatzen dute Espainiako Estatuko etxeko langileen hainbat elkarte eta eragilek, eta estatuko beste hiri batzuetan ere egin dituzte protestak, esaterako, Bilbon eta Sevillan. Grosen SOS Arrazakeriako Etxeko Langileen Taldeko kideak, Malen Etxeko kideak, eta Bidez Bide elkarteko kideak batu dira, hainbat sindikatutako kideekin batera.
Etxeko langileek salatu dutenez, Espainiako Gobernuari “hilabete eta erdi kostatu zitzaion” Gizarte Segurantzan izena emandako etxeko langileentzat subsidioa martxan jartzea; azaldu dutenez, hiru hilabeteko marjina ezarri zuten, subsidioaren ordainketa betetzeko. Halaber, salatu dute etxeko langileen egoera txarrera joan dela pandemiaren ondorioz, izan ere, haietako asko lanik gabe gelditu dira, eta hori dela eta, irauteko baliabide ekonomikorik gabe.
“Tramitea zeharo neketsua da, eta ez da batere praktikoa. Etxeko langile askok laguntza eskatu behar izan dute eskaera egiteko, eta gaur egun, askok ezin izan dituzte beharrezko dokumentuak aurkeztu, subsidioa eskatzeko duten eskubidea justifikatzeko. Gainera, Estatuko Enplegu Zerbitzu Publikoa ez zaie erantzunik ematen ari euren prozesuaren berri galdetzen duten langileei”, kritikatu dute.
Era berean, nabarmendu dute etxeko langileen kolektiboaren zati handi baten lana ez dagoela aitortuta, egoera irregularrean dauden emakume migratzaileek eta Gizarte Segurantzan izena emanda ez dauden langileek egiten dutelako. “Gobernuak, gobernu autonomikoen konplizitatearekin, beste alde batetara begiratzen dute, lan honek gastu soziala egitea saihesten duelako; gainera, subsidioa jaso dezaketenak ez dira lehentasuna, emakumeak direlako, emakumeen lana egiten”, adierazi dute komunikatu batean.
Etxeko langileek jakinarazi dute ez dutela egoera hau normalizatuko, eta ez dutela isilik itxarongo. Hiru eskaera zehatz egin dituzte:
- Uztailean egin ditzatela ordaindu gabe dauden eskaera guztien ordainketak.
- Erregularizazioa orain, eta Gizarte Segurantzan izena emanda ez zeudenentzat prestazioak.
- Eskubide guztiak etxeko eta zaintza lanetako langileentzat.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.