Etxegabetzeek gora egin duten Espainiako Estatuko leku bakarra da EAE
Urteko lehen hiruhilekoan 306 familia etxegabetu dituzte EAEn, hipoteka ordaintzeko arazoengatik; eta beste 196 bota dituzte alokairuzko etxebizitzetatik. Eusko Jaurlaritzaren murrizketa politikek eragindako egoera dela salatu dute Bizkaiko hainbat kolektibok.
Espainiako Estatuan etxe kaleratzeek gora egin duten lurralde bakarra EAE dela azpimarratu dute –iazko lehen hiruhilekoarekiko %14,8 igo dira kaleratzeak– eta Eusko Jaurlaritzaren politikari leporatu diote: "Prestazio sozialak jaso ahal izateko Jaurlaritza aplikatzen ari den murrizketa politika bazterkeria areagotzen ari da gure herri eta auzoetan; familien herena baino gehiago pobrezia egoera larrian dago".
2015ean, esaterako, %15 igo zen bazterkeria egoeran dauden herritarren kopurua EAEn. Prestazio sozialetan murrizketarik ez egiteko eskatu dute kolektiboek.
EAEn, egunero bost familia inguru etxetik kaleratzen dituztela salatu dute. Nafarroan, egunero 1,53 etxegabetze egiten direla jakinarazi du berriki PAHk.
Euskal Etxebizitza Legeari ezezkoa
Eusko Jaurlaritza garatzen ari den Euskal Etxebizitza Legearen zirriborro dekretua arbuiatzeko elkarretaratzea egin dute Bizkaiko hainbat kolektibok, eta testuinguru horretan eman dituzte datuak.
Alegazioak ere aurkeztu dizkiote dekretuari, eta Legeak "prestazioetan ekarriko dituen murrizketek 37.000 familia baino gehiago babesgabe" utziko dituela kritikatu dute. Etxebizitza Legearen aurka eta etxebizitza duinaren alde 30 orduko baraualdia egin zuten ekainean.
Salaketa egin duten mugimendu bizkaitarren artean daude, besteak beste, Berri-Otxoak, Brujas y Diversas, Bizkaiko Etxeko Langileen Elkartea, Argilan, Argitan, Elkartzen, SOS Arrazakeria, Kaleratzeak Stop eta Munduko Emakumeak.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.