Espainiako estatuko etxegabetzeen aurkako plataformek bilkura egingo dute Iruñean. Datua kongresua aurkezteko ekitaldian eman dute jakitera.
Hipoteka edo alokairua ordaintzeko ezintasunagatik 1,53 etxegabetze ematen dira egunero Nafarroan. Hipotekak Kaltetutakoen Plataformako (PAH, gaztelaniaz) Jesus Torresek eman du datua, eta etxebizitza publikoen gabeziarekin lotu ditu kaleratzeak.
Torresen arabera, 2015ean 427 salaketa jarri ziren Nafarroan. Hipotekak Kaltetutakoen Plataformen bilkura egingo da asteburuan Iruñean, eta hura aurkezteko ekitaldian azaldu ditu datuok. Bertan izan dira, besteak beste, Joseba Asiron alkatea eta zenbait zinegotzi, PAH ezberdinetako kideekin batera.
Kataluniako Parlamentuak duela hilabete batzuk onartutako etxegabetzeen aurkako legea defendatzeko baliatu du ekitaldia Espainiako Estatuko plataformen eledun Carlos Maciasek. Konstituzio Auzitegiak bertan behera utzi zuen lege hura, PPk helegitea jarri eta gero. “Lege horrek familiak zorraren uztarritik askatzen zituen, eta hutsetik hastea ahalbidetzen zien, gizarte-bazterketa eta ezkutu ekonomiatik aldenduz”, azaldu du Maciasek.
Horrez gain, gogorarazi du lege horrek “milaka etxegabetze” geldiarazi zituela, eta 32.000 familiari energia baliabideak ez moztea lortu zuela. Amaitzeko, Asironek azaldu du “etxebizitza duina izateko eskubidearen urratzea azken hamarkadetako arazo sozial handiena” dela, eta etxegabetzeen aurkako plataformei babesa adierazi die.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.