Irailean enkantean jartzekoa zen Ainciburu familiaren ondasuna Azkarateko Herriko Etxeak erosiko du azken uneko akordio bati esker eta bi laborariren esku geratuko dira hango lurrak.
Etxeberria etxaldea eta bere lurrak espekulazio urbanistikoaren arriskupean zeuden joan den maiatzaz geroztik. Ordukoan, herritar eta laborari ugarik, ELBk eta Lurzaindiak deituta eragotzi zuten Azkarate herrian Ainciburu familiak duen ondasun hori enkantean saltzea, Baionako Auzitegian "Euskal Herria ez da salgai!" oihuka eta protestan sartu ondoren.
Ainciburu familiak ondasun ugari ditu Baigorri-Ortzaize eskudaldean, aspaldian bertan bizi ez den arren; Azkaraten denera 14 hektarea lur eta bi etxe. Espekulaziorako erabiliak izan zitezkeela jakitun, horien balioa aurrez jarri eta ondasunez jabetzeko asmoa azaldu zuen Azkarateko Herriko Etxeak. Familiak, ordea, enkantearen bidea hartzea nahiago izan zuen eta irailean zen hurrengo hitzordua.
Orain, ordea, Naiz hedabideak eta Euskal Irratiek jakinarazi dutenez etxaldea Herriko Etxeak erosiko du azken orduko akordio bati esker eta bere lurrak bi laborariren esku geratuko dira, EPFL tokiko lurzoruaren erakunde publikoaren laguntzarekin.
Duela sei urte 250.000 eurotan erositako Aiherrako etxe bat, egun 1,6 milioi eurotan salgai. Joan den larunbatean Hazparneko Puyo higiezin agentzian sartu dira 50 herritar inguru Etxetxuri etxaldearen salmenta espekulatiboa salatzeko. Ekintza iraun bitartean agentziako... [+]
2024ko urtarrilaren 1etik goiti, Ipar Euskal Herrian bigarren etxebizitza bat erostekotan diren pertsonak gonbidatuko ditu Herrian Bizi plataformak jadanik bigarren etxebizitza gisa baliatuak diren etxe edo apartamendu bat erostera.
Aiherrako Herriko Etxea arranguraturik agertu da 250.000 eurotan erosia izan zen etxe bat, abantsu 1,6 milioi eurotan salgai ezarri ondotik. Etxexuri egoitza 2017an erosi zuten gaur egungo jabeek, eta arraberritzen lan handiak egin zituzten; ganerra eta barnea berregin zituzten,... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]