Etorkizun bizigarriei buruzko literatura lehiaketaren sari banaketa eginen du ostiralean Sukar Horiak
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
aurre egingo dieten hedabide independenteak
Ostiral honetan emanen ditu Sukar Horia talde ekologistak etorkizun bizigarriei buruzko ipuin eta itzulpen lehiaketen irabazleen izenak. Festa giroan eginen dute sari-banaketa, eta Utopi(k)ak performancea ikusgai izanen da, bukaerako mokadutxoaren aitzin.
Orotara hogei lagunek parte hartu dute ipuin sorkuntzan eta beste hiruk itzulpen arlokoan. Helburuak bete dituztela diote antolatzaileek: "Oso pozik gaude. Jende askok parte hartu du eta etorkizun politak irudikatu dituzte. Batzuk gizarte oso baten aldaketan dira, beste batzuk gizartearen alde jakin baten aldaketan, alde horretatik ere aniztasun handia badago".
Klima larrialdia eta krisi sistemikoa izanik ere, eguneroko horretatik ireki ditzakegun bide bizigarriak irudikatzeko ariketa izan da ipuin-lehiaketa. Horrela azaldu zuen ariketa Sukar Horiak: "Azkenaldian agertzen ari den ideia bat da: oso erraz irudikatzen dugu gaur egun distopia; utopia, aldiz, nekez. Lehorteak, uholdeak, tenperatura-igoera, gaixotasun berriak… bolo-bolo dabiltza gure gogoan krisi ekologikoa aipatzean, inpultsiboki kontsumitzen ditugun telesail zein filmetan, eta zaila zaigu imajinatzea arrakala berri honek, krisi orok aurretik egin bezala, irekitzen dizkigun ateak: harremanatzeko modu ekofeministak, baliabideen kolektibizazioa, trantsizio energetiko justua…"
Irabazlearen testua ARGIAn
Sari banaketa eginik, ahal bezain bat zabaldu nahi dituzte sorkuntzak. Hori horrela, fanzine bidez plazaratuko dituzte, eta ostiraletik aitzina egonen dira eskuragarri paperezko formatuan. Testuez gain, Jorge Rubio Pinedo, Eztizen La Cruz Arnaiz, Jorge Rubio Pinedo eta Amparo Lozano Sancha ilustratzaileen lanek beteko dituzte Anankaia Ediciones-ek sorturiko fanzinak. Sare sozialetan plazaratuko dituzte ere. Ondoko asteetan ARGIA aldizkarian ere agertuko da irabazlearen testua.
Amaia Apalauza Ollo, Aiora Jaka Irizar, Danele Sarriugarte Mochales, Elena Olave Duñabeitia, Eli Pagola Apezetxea, Iñaki Barcena Hinojal, Iñaki Petxarroman Gutierrez, Lizar Begoña Madariaga eta Jenofa Berhokoirigoin Hirigaraik osatu dute epaimahaia.
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Lurreko bi heren baino gehiago ura da; ur horretatik %96, ozeanoetako ur gazia. Eguzki izpiak ozeanoetako lehen 200 metroko sakonerara heltzen dira, eta bertan bizi dira munduko arrantza industriak ustiatzen dituen espezie ia guztiak. Aitzitik, zientziak gehiago erreparatu izan... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]