Beste bi atxilotu ere badaude, horietako bat Ramón Sagarzazu etakide historikoa da eta bestea Pantxoa Flores, atxiloketak izandako Agorerreka landaetxearen jabea.

Sorzabal eta Pla ETAko buruzagitzako kideak direla uste dute Espainiako inteligentzia zerbitzuek eta Jorge Fernández Díaz Espainiako barne ministroaren esanetan, operazio hau "ETAren behin-betiko heriotz agiria" litzateke.

Aurretik Norvegian izan ziren zortzi hilabetez Pla, Sorzabal eta Urrutikoetxea herrialdeko Gobernuak kanporatu arte. Hiru buruzagiek bilerak egin zituzten nazioarteko egiaztatzaileekin, Oslon eta Norvegiako beste hainbat herritan. Helburua, preso politikoentzako bide-orria zehaztea zen. Negoziazioek, ordea, ez zuten aurrera egin, egoera blokeatuta zegoen eta Frantziara berme guztiekin kanporatzea erabaki zuen Norvegiako Gobernuak.